بحبه وبيحبنى جدا وانا اكبر منه وخايفة يكون بيتسلى

• مشاكل زوجية,مشاكل الحب,مشاكل الشباب,مشاكل البنات مشاكل عامة,مشاكل تقنية,مشاكل التعليم,مشاكل صحية,مشاكل زوجية,مشاكل الحب,مشاكل الشباب,مشاكل البنات

مرحبا بكم فى مدونة مشاكل الحب والزواج - مدوونه للمشاكل العاطفية والزوجية والاجتماعيه ومشاكل الشباب والبنات

هنعرض مشكلة وبعض الحلول ليه وياريت تشاركونا برائيكم معانا

انا بحب واحد وهو كمان بيحبني اوي انا اكبر منو بسنه ونص انا في تالته تجاره وهو في تانيه انسان مكافح جدا ومعرف كل اهلو انو بيحبني وخلاني اكلم مامتو وقالي لازم تقولي لمامتك وتعرفيها المشكله اني عارفاه من علي النت وكلم ماما واتقابلنا في الجامعه هو بيقولي انو بيحبني اوي اوي اوي ولو مش بيحبني منكش خلاني اكلم مامتو بس من كتر ما الناس بتقول حب النت فاشل بقيت بخاف اوي هو بيخاف عليهه من الهوا بس المشكله انو مضيق الخروج عليه وبيقولي انتي مش هتكوني لحد غيري بس وبنتخانق كتير جدا وهو عصبي يعني لو حكتلو علي موضوع وانا بكلم بحكي حكيت حاجه انا قولتها ومعجبتهوش يتخانق ويزعل ويعمل مشكله ولما نتصالح يقولي انا عاوزك احسن واحده في الدنيا انا خايفه يسبني من كتر المشاكل دي او يزهق مني وخصصوصا اني حساسه اوي وبتجرح بسرعه اوي مع العلم اننا قريبين من بعض اوي ومش بنخبي حاجه علي بعض بس هو ساعات بيعند ومش بيحكيلي ومبيكلمش بنات علشان خاطري بس ساعات بشك فيه مش عارفه ليه وبشك فحبو ليه ولما اقلو احنا بنتخانق كتير وانت بتزعلني يقولي انتي في ايدك كل حاجه خايفه انو يتغير من ناحيتي بس هو وعدني انو مش هيجوز غيري خايفه من فرق السن والست بتكبر اسرع وخايفه من الايام ومننعرفش نحقق حلمنا وبخاف منو ساعات ولما بخاف منو بقولو انا خايفه منك تسيبني وتكون بتتسلي بيه يقولي والله مبتسلي انا بحبك ولما بيضايق بيضايق عليه ويقولي علشان خاطري استحملي انا مليش غيرك اعمل ايه اقف جمبو ولا اجوز تقليدي انا هجنن بس لما بيزعل مني بيشدها عليه اوي ويكون مش طايقني معقول كل كلامو وحبو ليه ويجي لما يزعل يكون مش طايق يسمع صوي لو سامحتو سعدوني انا من كتر الخناق مره قولتلو حرام عليك سبني انا من ساعه معرفتك وانا بعيط بس هو حنين وبيقولي انتي تربيتي يعني بحس انو بيعمل حاجات هتجنني هو ينفع حد يحب حد ميكنش عاوز يكلمو انا لما بزعل منو لو قالي عامله ايه بنسي كل حاجه

بعض الحلول المقترحه: 

والله دى نفس مشكلتى انا مفس الكلام بس انا سنه واحدة بسي
وانا عملتلو اختبار وبقيت بعيد عنو ودلوقتى بقا يهتم بيا اكتر
ومش بيزعلنى فى اى حاجة
وهو اللى بيسمع كلامى
وسيطرت على الموضوع لما انا بعدت عنو كان فى المستشفى من كتر حبه ليا
وزعل وانا اتاكدت انو بيحبنى
وانا كمان بحبه اوى
اعملى زى مانا عملت والله هتتاكدى هو بيحبك ولا لا
بعض الحلول المقترحه:  

مشكلتك صعبة كتير
انا بحب بنت اكبر مني بسنة بالنسبة لي هذا الموضوع مو مهم شو يعني فرق السن الرسول (ص)
كانت زوجته أكبر منه ما فيها شي بس تاكدي انو الشخص يلي بيحب بيفضل الشخص الي بيحبه
على نفسه انا لما بتغلط معي بعتذر منها مع انها هي على خطا هذا الحب ما برضا اشوف
وجه حبيبتي إلا والبسمة على شفتيها بس تعرفي سمعت حكمة تصير معك الحين
(إذا اردت شيئاً بشدة فطلق سراحه فإذا عاد إليك فهو ملك لك إلى الابد وإذا لم يعد
فهو لم يكن لك من البداية) تهربي منه وإذا كان بيحبك بيلحقك أخوكي حكمت…

بعض الحلول المقترحه:  

ناك من تحبه انتي بجنون وعندما يدرك عمك المحبه يتفنن في ايذنك وكانك عدود اللدود فيبدلحياتك الي جحيم دااام وفكري

بعض الحلول المقترحه: 

صلو على النبى يا اختى المشكله الاصليه ان مفيش اساس لعلاقتكم يعنى انتى فرحانه انه قال لاهله وانو بيقولك قولى لاهلك يا فرحتى بس كده ؟ فين الارتباط الرسمى لو بيحبك يرتبط بيكى رسمى يدخل البيت من بابه هو ده الحب الحقيقى غير كده لعب عيال وحرام لازم قبل كل شىء تطلبى منه فورا وبجديه لو بيحبك يخطبك ومتكلميهوش ثانى لو عاوزك يتقدم فورا وبعدين مش مقياس الحب انه يكلمك قدام مامته او مامته تعرف ما ياختى فيه امهات بتفرح قوى لما ابنها يعمل علاقه ويكلم بنات قدمها علشان تحس ان ابنها كبر والبنات بتترمى عليه وبتبقى سعيد لان ابنها بيكلم بنت بس يوم الزواج بتفكر الف مرة فى العروسه اللى هتجوزها لابنها اقطعى العلاقه فورا وقوليله لو بتحبنى اتقدملى وحسسيه انكم بتعملوا شىء حرام ميرضيش ربنا الله الكلام ده فى مصلحتك

بعض الحلول المقترحه: 

على فكرة انا ساعات بعمل كدة مع خطبتى ولما بكون مضايق منها بحس انى مش عايز اسمع صوتها بس مش معنا كدة انى مش بحبها انا بحبها جدا ومقدرش اعيش من غيرها بس انا بعمل كدة علشان تقدر تعرف انا بزعل من ايه وبكون مبسوط من ايه وكمان انا بقولها لما بكون مضايق علشان خطرى خليكى واقفة جنبى انا ساعات بحس انى مخنوق جدا وممكن اتخانق معها بس انا بحبها جدا ولو انتى عايزه تعرفى حل المشكلة بتعاعتك المواقف اللى حصلت بينك وبينه هى اللى تقدر تحكم والاشياء الجميلة اللى من المستحيل انه يعيشها مع انسانة غيرك دى اكيد كل اما يفتكرها اكيد هيعمل المستحيل علشان يعيش جنب منك
ربنا معاك انا بكون مبسوط جدا لما بشوف انى بنت بتحب شاب جدا دة شعور جميل وكمان الشباب مش هينسا ابد انى فى يوم من الايام كانت وقفة جنب منه وهيفتكر كل الحاجات الحلوة وبكدة عمره ا هيقدر يسبك ولو بعد الشر سابك يبقا هو اللى خسران مش انتى اللى يلاقى حب فى الزمن دة وميقدرهوش ولا يحترمة يبقى ؟؟ ربنا معاكى

بعض الحلول المقترحه: 

هو انتى بتتكلمى فى ميت سنه دول سنه ونص اولا الحب مش بيرتبط بسن وبعدين انتى مش اكبر منو بكتير سنه ونص مش حاجه يعنى بلاش تهدى حبك علشان مجرد وهم فى خيالك وخوف فى قلبك حولى تتغلبى على ده قربى منو خليه يتعلق بيكى حاولى متفكريش غير فى الحب اللى بنكو لو هو مش كويس مكنش كلم ممتك وخلاكى تكلمى ممتهو وعلى فكره مشكله العصبيه دى فى اى راجل حاولى بس لما يكون متعصب متغلطيش وبالذات انك قولتى انو بينجرح بسرعه متمنعيش قلبك انو يحبه علشان سنه ونص انتى مش اول وحده ترتبط بواحد اصغر منها وبعدين انتو فى المعقول يعنى مش 5 سنين ولا 15 زى السيده خديه والرسول صلى الله عليه وسلم شيلى الوهم ده من دماغك وسيبى نفسك وحبيه ومتنسيش ان الراجل مبيحبش الست تسأله كل شويه انت بتحبنى انت هتسبنى انت انت انت بلاش تخليها واقع وتخليه يحس انو بقى شئ حقيقى وانو يسيبك سعتها هبقى شئ طبيعى جداا بلاش تقوليله كده كل شويه ربنا وفقك ويخليه لكى ويحميكو لبعض

بعض الحلول المقترحه: 

سلام عليكم على فكرة انتي مشكلتك نسخة من مشكلتي بالضبط والله واللي بيحصل معاكي بيحصل معايا بس الفرق انه خلاكي تكلمه اهلة لكن انا مبيكلمنيش اساسا قدام اهلة وانا بتعامل مع مشكلتي بانه فعله بيحبني لانه لو مبيحبنيش مكنش خاف عليه انا مبرحش مكان من غير ما اقولة ولو رحت في مكان من غير ما اقول بيبقي يومي اسود وانتي بتقولي انه لما بيضايق منك مش بيبقي طايق يسمع صوتك انا برضوا نفس الحكاية وازيد كمان انه بيقفل في وشي ودة معناه انه بيحبني وخايف علية لاني بعل حاجات غلط كثير واكيد انتي برضوا بضيقيه عشان كدة بيتخنق منك جربي كدة تبطلي تعملي حاجة تضايقه وشوفي هوة هيبقي معاكي اية انا جربت كدة يوم عيد ميلاده وكان احلي يوم في حياتنا لا هوة ضيقني ولا انا ضيقته لدرجة اننا لما بنتخانق بيقولي نفسي تبقي كل ايمامنا زي يوم عيد ميلادي صدقيني بيحبك عشان كدة مش عايزك تعملي حاجة غلط وادعيلي انه يكون من نصيبي ومتخفيش بيحبك والله لانه لو بيتسلي مش هتفرق معاه ان كنتي تعملي حاجة صح ولا غلط هوة بيسلي نفسه اللي يحنقه كل شوية لكن عشان بيحبك عايزك احسن واحدة في الدنيا زي ما قلك ومكنش خلاكي كلمته اهلة وربنا يجعلك من نصيبك

ياريت تشاركونا برائيكم معانا

منشورة في: مشاكل عامة