- مشاكل زوجية,مشاكل الحب,مشاكل الشباب,مشاكل البنات مشاكل عامة,مشاكل تقنية,مشاكل التعليم,مشاكل صحية,مشاكل زوجية,مشاكل الحب,مشاكل الشباب,مشاكل البنات
مرحبا بكم فى مدونة مشاكل الحب والزواج - مدوونه للمشاكل العاطفية والزوجية والاجتماعيه ومشاكل الشباب والبنات
هنعرض مشكلة وبعض الحلول ليه وياريت تشاركونا برائيكم معانا
اول مرة اوصل فيها مشاعري لبنت صدمتني
بسم الله الرحمن الرحيم أنا شاب عندي 17 عام وداخل فى 18 المهم اني عمري ماكلمت بنت وجهاً لوجه عمري ماوقفت او مشيت مع بنت كل اللي بعمله هو حب افلاطوني بس انا مش بتاع شغل العيال والكلام ده ومشي وفسح وخروجات انا بشتغل من صغري اثناء الدراسة وكمان الحمد لله رب العالمين بكتب شعر يعني المفروض اكون شخص حساس ورومانسي بس العكس انا شخص فاقد للاحساس والمشاعر لظروف مريت ومازلت بمر بيها والحمد لله علي كل شئ وحال الموضوع اني لما اعجبت ببنت تتصف ب (الحشمة-الأدب-الرقي-الجمال-الأخلاقالنسب-العائلة) ودي حاجة نادرة فالزمن والبلد بتاعتنا قررت ماسيبهاش ولاول مرة بعد ما قريت موضوع علي موقع مشاكل وحلول دة … عن اول مرة اكلم فيها بنت واول ماناديت عليها عملت نفسها مش سامعاني . ومشيت وراها وناديت عليها راحت ماسكة ايد صاحبتها وخدتها ومشت من غير ماترد عليا او تبصلي حتي المهم فضلت بعد كدة لما هي تيجي تبصلي وانا ابصلها بعد فترة وصلنا لآخر حصة فالمنهج والفصل الدراسي قررت اني اكتب جواب وجمعت كلمه من انحاء العالم والمواقع . الجواب صفحتين كان يحتوي علي كلام كتير المهم ناديت علي صاحبتها وكلمتها وكان قلبي بيتنطط عشان خلصت عقدتي واتخلصت منها الحمد لله واديتها الجواب وهي ادت الجواب لواحدة تانية بالغلط بس هي سألتني علي الفيس بوك علشان انا كنت كاتب فالورقة رقمي وايميلي ولما قلت لها علي البنت الصح كلمتها والبنت كلمتني .وهنا تكمن الزيتونة بتاعت الحكاية والخلاصة والملخص واتفاجأت فيوم برسالة منها بتقول” انا البنت اللي معاك فالدرس اما تفتح ابعتلي رسالة علشان اقولك علي حاجة ” ولما فتحت قلت لها ابعتيلي كلامك فرسالة عشان انا مش ببقي موجود ومش بفتح لظروف ولما فتحت تاني لقيتها كاتبالي “ انا مش بحب حد ولا بكلم حد بس انا مقدرة مشاعرك ” انا رديت عليها وقلت لها ان انا حبيتها عشان هي محترمة ومش بتصاحب وبعتلها رسالة تاني عشان حسيت ان هي بتقفل الكلام وعايزاني اخلعع وامشي وماكلمهاش تاني كل شوية ابعت رسالة وهي ترد وتلخص فالكلام وتقفل الموضوع ورسالة فالتانية ولعدم خبرتي فالتعامل مع البنات عملت لي بلوك علي الفيس بوك وللعلم كل الرسايل دي من غير مااكون عندها فقائمة الأصدقاء . وعملت ايميل تاني باسم بنت وكلمتهاورسالة فرسالة وعملت نفسي قريبة ليا واني بكلمها عشان اقنعها انه بيحبها … وفالآخر قالت لي علي اني بنت ان لو كان بيكلمني كان هايفهمني اكتر . فالكلمة دي حسستني بانها بتحبني … فاعترفتلها اني انا واني كنت بعمل كدة عشان اتكلم معاها عشان بحبها … وهي قالت لي ان هي عارفة ومتأكدة ان انا بكدب . وبعد مراقبة كبيرة ليها مني وبعد ماعرفت الحاجات اللي هي بتحبها والهويايات والحاجت دي كلها وفكرها ورغباتها والكلام دة كله . بقيت كل شوية ابعتلها رسالة وهي تبعت بس هي بتلخص وتقصر فالكلام …وفالآخر عملت لي بلوك وانا حاسس ان هي بتحبني بس هي فالآخر قالت لي ان هي مش هاترتبط الا لما تكون فالكلية وانا وعدتها اني هاخطبها إن شاء الله وهي قالت لي خلاص لما تكون نفسك ابقي تعالي اخطبني بس انا خايف لاحد غيري يخطبها وماتكونش ليا وهي قالت لي هافكر ساعدوني . . اكلمها تاني ولا كدة هاكون بضايقها وانا قلت لاختها وخايف لما اكلم والدتها او والدها يستهزئوا بكلامي وللعلم انا ف تانية ثانوي
بعض الحلول المقترحه:مبدئيا كدة انت شاب يعنى ويعتبر راجل لانك عديت مرحلة الطفولة الزمنية
اما اللى انت بتعمله ده يعتبر طفولة ولو فضلت بالمنظر ده يبقى هتعيش طول عمرك طفل البنت ممكن تكون عشان مبتصاحبش حد فمش عارفة تتكلم معاك عشان كدة بتصدك مش عايزة تتعرف عليك وده طبعا لقلة خبرتها فى التعامل مع الشباب وخصوصا فى الحب والقرف ده تانى حاجة انت برضو مش عارف توصلها حبك ليها ومش عارف تخليها تحبك وعمال تكلمها على اساس اية ؟؟ وده برضو لقلة خبرتك فى التعامل مع البنات يعنى انتو الاتنين معندكوش خبرة فى الحب والكلام ده ومش لازم تكون خبرة فى الكلام ده اهم حاجة الحب هيبقى موجود انت عارف لو الحب موجود ولو هى بتحبك من اول لحظة كنت انت اول ماكلمتها كانت كلمتك بتقبل وعمرها ماهتعملك بلوك ،، بص انت سيبك من الكلام الهفأ ده وركز لمستقبلك وظروفك دى وارتبط ارتباط شرعى هيجمع بالزواج
ياريت تشاركونا برائيكم معانا
0 التعليقات:
إرسال تعليق