اتعرفت على شاب من جروب للتعارف ولكنى متدينه فهل اصارحه

• مشاكل عامة,مشاكل تقنية,مشاكل التعليم,مشاكل صحية,مشاكل زوجية,مشاكل الحب,مشاكل الشباب,مشاكل البنات 

 

 

 

مرحبا بكم فى مدونة مشاكل الحب والزواج - مدوونه للمشاكل العاطفية والزوجية والاجتماعيه ومشاكل الشباب والبنات

هنعرض مشكلة وبعض الحلول ليه وياريت تشاركونا برائيكم معانا

اتعرفت على شاب من جروب للتعارف ولكنى متدينه فهل اصارحه

السلام عليكم ورحمة الله وبركاته اولا انا عندى 21 وسنة رابعة كلية ومشكلتى غريبة شويا انا الحمد لله مش ليا اختلاط بى اولاد بكليتى ولا بالفيس ولكن انا بالجروبات ومش برفض المناقشة الهادفة ومن كام اسبوع بنت بعتتلى لينك جروب فى رسالة ودخلته وفكرته عبارة عن ان الادمن بنت بتعمل اسثتمارة لبنات والولاد لمواصفات المطلوبة ومحدش بيعرفها غيرها وتم بفضل الله حالات كتييره اوى بطرق شرعية وانا كلمت البنت وخليت ماما كلمتها كمان وعرفت بنات عسولين ومحترمين ونفس اخلاقى وفى مرة لفت انتباهى ولد بيحط بوستات دينية ومش بيهظر زى الباقين وده من ضمن الى بتمناها بمواصفات احلامى ولقيته بيدخل مناقشات وبيعبر عن رائيه زى بمنتهل حدود وادب ولقيته بيعملى لايك على بوستاتى بااستمرار واصحابى البنات قلولى شكله مناسب ليكى والادمن الجروب قلتله مليت اسثتمارة وملاها وورتهالى هو 24 سنة ومدرس وبعتتله اسثتمارتى ورد عليها قالها انا بس عندى ظروف دلوقتى وانا بقى مرة على مرة بقيت مستنيه دخوله وانه يعملى لايك ومرة مكنش حد غيرنا بنزل بوستات ولايك لبعض ونزلت حاجات دينيه وعلق عليها ولما اكون مخنوقة مجرد مااشوف انه عملى لايك برتاح اوى ولحد ماانا بقيت بتخنق من نفسى لانى دايما بدعى ربنا يعفف قلبى لنصيبى وانا بابا متوفى ومليش اخوات صبيان ويمكن لانى اول مرة اشوف حد محترم ومتدين مش عارفة واطمنوا انا عمرى مااقوله لانى مش ارخص نفسى ابدا وعارفة انو لو عاوزنى هيقول لى ادمن وهيعمل زى ماربنا قال واءتوا البيوت من ابوابها بس قلولى اعمل ايه عشان مبقاش مستنيه لايك منه وهكذا واسفة لى اظاله وجزيتم خيرا

بعض الحلول المقترحه:

ولا يهمك ياأختى العزيزة ومفيش اطالة ولا حاجة.
هو بس المشكلة ان اليومين دول بصراحة عالفيس بوك والنت بالذات بينزل ناس كتير مش شرط شباب بس ببوبستات دينية الله أعلم بقا اذا كانت أخلاقهم تتناسب مع ما ينزلوه ويتداوموا عليه ولا لأة فديه حاجة .
ثانيا الشئ الأهم ياأختى العزيزة أنك بسم الله ماشاء الله لست صغيرة وانتى الأن عروسة فكرى بعقلك ممكن فى أى وقت الأن يأتى ابن الحلال اللى المحترم اللى يصونك ويحبك حتعملى ايه ساعتها؟؟؟؟؟؟ ديه الحاجة التانية
الحاجة التالتة أنتى اكلمتى صح أنك مشعايزة تبينيله شئ مما بداخلك وديه حاجة كويسة وضيفى على كدة اذا كان يريدك بصدق حيعمل زى ما أى حد بيعمل وحيخوش الباب من بيته
رابعا اهتمى بمذاكرتك وحياتك أفضل وربنا يباركلك فى رزقك ويقويكى يارب وشدى حيلك عشان تخلصى الكلية وبلاش حتى مجرد التفكير فى قصة لا نعرف نهايتها خاصة انك بتلك الظروف العائلية التى وصفتيها
وشكر

بعض الحلول المقترحه:

انتى اولا انسانه محترمه واى حد يحبك لانك مش عايزا تقعى فى الغلط لكن مفيش حب من على النت ده اسمه تعود نصيبك جاى جاى ومتقلقيش ربنا هيوفقك لان ربنا قال الطيبين للطيبات والخبيثين للخبيثات فبعدى عن العلاقات دى الى موجوده على النت لانهاممكن توصلك لحاجات انت مش حبها وكمان هو لو عايزك مكنش قالها انه عنده ظروف صلى صلاة استخاره على اى شئ استخيرى ربنا والله الموفق

 بعض الحلول المقترحه:

يا اختي انت مبين انك بنت بتمناكي اي شخص لكن حاولي انك تتجاهلي بعرف صعبة عليكي لكن الله بعينك واذا الشب قاصد خير او بكن في قلبو شيء الك لازم قلك بس دام هو مطنش حاولي تجاهلي وانسي انو موجود بالقروب وانشالله ربنا بوفقك بالطريق الصحيح ويبعتلك ابن الحلال الي يهنيكي بأذن الله

ياريت تشاركونا برائيكم معانا

منشورة في: حب على النت