- مشاكل زوجية,مشاكل الحب,مشاكل الشباب,مشاكل البنات مشاكل عامة,مشاكل تقنية,مشاكل التعليم,مشاكل صحية,مشاكل زوجية,مشاكل الحب,مشاكل الشباب,مشاكل البنات
مرحبا بكم فى مدونة مشاكل الحب والزواج - مدوونه للمشاكل العاطفية والزوجية والاجتماعيه ومشاكل الشباب والبنات
هنعرض مشكلة وبعض الحلول ليه وياريت تشاركونا برائيكم معانا
انا شاب هتخرج السنة دى ومستقبلى غامض انا عندى دلوقتى 21 سنة ولسة قدامى جيش وفقير جدا يعنى ابويا معندوش اى فلوس ولازم اعتمد على نفسى عشان اعرف اعيش واتجوز وكمان مفيش شغل والشغل فلوسة قليلة اوى وانا مش عارف اعمل اية كل ما ابص لمستقبلى ابكى وانا شايف الناس حواليا مرتاحة وربنا مديها انا عارف الردود ارضى بنصيبك والله راضى متوضعش نفسك فى مقارنات مع الناس التانية مش بايدى وغصبن عنى اشتغل اى حاجة واجتهد الكلام سهل اوى والفعل صعب جدا نفسى حد يصبرنى ويقلى انا زيك ونجحت وبقيت حاجة …….عاوز حد يقلى انا عندى اصرار انجح انا خايف اعيش واموت من غير محقق حاجة
بعض الحلول المقترحه:
بص ياباشا اولا احمد ربنا ان والدك موجود انا والدى موجود ومش موجود لانه هو وماما اطلقوا من زمان وعشنا ايام سودا وانا ليا اختين بنات ولما اتخرجت من الكلية مكنش معايا اي حاجة خالص بس كنت سايبها على الله واشتغلت وكافحت والحمد لله جوزت اخواتى البنات وجهزتهم والحمد لله عملت مشروع نصيحتى ليك لو انت شايل هم نفسك بس احمد ربنا انا شايل هم مصاريف بيت وجهاز بنات والحمد لله ربنا مش بيسيب حد بس انت سلمها لله وخلى طموحك واحلامك اكبر بكتير من الواقع اللى انت عايشة
بعض الحلول المقترحه:
بص مع اني بنت بس انا كان عندي اخويا كان زيك وكان في كليه سياحه وفنادق وكانت حالتنا ماديه زفت ووحشه خالص فوق ما تتخيل واخويا خلص الكليه ووهو الوحيد في اصحابه اللي دخل الجيش وصبر وقال عادي سنه وهتعدي ولما خلص الجيش بتاعهواحد ساعده انو يسافر بلد عربيه في الامارات بحوالي 10 الاف جنيه ومامه جابت سلفه وسافر بالفلوس دي المهم لما سافر كان بياخد برضو مرتب قليل اوي حوالي الفين جنيه يعني مش يعملو حاجه برضو المهم صبر في اشلغل دا حوالي سنه ونصف لحد اما ربنا كرموا ولاقي شغل تاني ومرتب عالي جداا الحمد لله وبني البيت وخطب وربنا كرمه علشان كان بيحمد ربنا وبيصبر مش بيقول ليه يارب كان حالنا كده بس اصبر وخلص جيشك وسافر اي مكان بعيد عن مصر وانشاء ربنا يكرمك زي اخويا واحسن كمان ويوفقك ويحقق لك كل احلامك انشاء الله وخلي عندك امل في ربنا انو هيكرمك علشان مافيش حد بيفضل علي حاله لا الفقير بيفضل فقير ولا الغني بيفضل غني هو دا حال الدنيا وانشاء الله ربنا هيكرمك
بعض الحلول المقترحه:
الاخ والابن الكريم انا عايز اقولك مش انت بس اللى فقير احنا كلنا كنا فقراء لله قبل كل شئ واغنانا الله من فضله وبالعمل والسعى انت والدك مش فقير والدليل على ذلك انك واصلت تعليمك وحتتخرج ان شاء الله السنه دى انت تعرف انا بقا والدى الله يرحمه برضوا كان موظف حكومى وبمرتب يعنى كانت ماشيه والحمد لله ولكن لم يساعدنى على انى ادخل ثانويه عامه مع ان مجموعى يدخلنى الثانويه وادخلنى الثانوى الصناعى تعرف انا كنت اعمل بعد منتصف الليل وفى الصباح اذهب الى المدرسه وكنت اصرف على نفسى واساعد والدى من دخلى وخلصت الدراسه وخدمت الجيش وعملت سائق وتزوجت بالقسط حتى اتت الفرصه ان اسافر الى الخارج وعملت واجتهدت حتى اكرمنى الله كرما ليس بعده كرم بالنسبه لى المهم الذى اريد ان اقوله لك لا تيأس من رحمه الله فلا تعلم من اى باب يفتح الله عليك به من الرزق انت مازلت فى مقتبل عمرك احمد الله على الصحه وعليك بالدعاء ولا تقنط من رحمه الله لو قلت لك اتى عليا يوما كنت لا اجد اجره المواصلات حتى انزل اجازتى من الجيش لا تصدق اريد ان اقول لك اقسم بالله لو انت انسان طيب القلب وبار بوالديك ورحيم مع الناس لسوف يكرمك الله من فضله وسوف يأتى اليوم وتتذكر ما اقوله لك ولا تنسانى من صالح الدعاء اللهم ارزقك وارزق شباب المسلمين الرزق الواسع والزوجه الصالحه اللهم امين وكن على يقين ان الله خلق الانسان والطير والحيوان ومتكفل برزقهم سبحان الله وبحمده سبحان الله العظيم
بعض الحلول المقترحه:
بص يابني انا كنت افقر منك بمراحل لدرجة اني مكنش معايا تمن المواصلات للكلية وكنت بشتغل في مهن صعبة جدا عشان اوفر حق الكتب والمصاريف وجة الي خلاني اتعثر في الدراسة لمدة سنتين لاني مكنش معايا تمن الكتب حتي والدكاترة في الجامعة مابيرحموش وبفضا الله اتخرجت وسافرت برة مصر بمجرد ماتخرجت على مهنة حارس امن حقيرة جدا وظروف معيشة لا ادمية بالمرةوكان مسافر معانا 10 اشخاص من مصر بقي منهم 2 بس انا وواحد كمان بسبب الراتب المتدني والعيشة الزفت الي كنا فيها لكني كنت مصمم اني مرجعش مصر لاني مشفتش فيها غير الفقر والقرف ويمكن دة كان الداعي اني استمر في الخارج واتحي االمصاعب بس عشان مارجعش للغلب الي كنت فية والحمد لله ربنا كرمني واشتغلت في اكتر من شغلانة وحاليا في شغلانة كويسة الحمد لله واتجوزت اتمسك بالامل واشتغل بجد مش تقعد تندب حظك
بعض الحلول المقترحه:
بسم الله اخويا الكريم اولا مش عيب انك تبقا فقير العيب والغلط تفكر انك
فقير اصلا وانتا ربنا منعم عليك بحجات كتير مش موحوده مع اللى حواليك الصحه
والستر والتوفيق اهو فى دراستك وبالنسبه ليك انتا لسه فى بدايه حياتك
ولازم تحط فى دماغك انك حتى لو كان معاك فلوس كنت هتشتغل وتتعب برضه عشان
تقدر تصرف على بيتك وعيالك مستقبلا يعنى الفكره واحده مع اللى معاه واللى
مش معاه وانا واحد من الناس اتخرجت زيك كده من الكليه من 8 سنين وحالتى
الماديه مرتاحه ولله الحمد بس اصريت انى اكمل المشوار واعمل كل حاجه بنفسى
ومجهودى وبقالى دلوقتى يمكن 8 سنين متغرب فى الخارج والحمد لله عملت حجات
كتير وقدرت اعتمد على نفسى حتى فكره الجواز كنت معترض عليها تماما الا لما
اكون قد المسئوليه وقادر انى افتح بيت واربى عيالى تربيا كويسه وصح فما
تيائسشى واتوكل على الله هتتعب كتير بس التعب مع الرزق بيبقا طعمه حلو وان
شاء الله ربنا هيكرمك وهتشتغل وهتقدر تفتح بيت ويمكن فى يوم من الايام تبقا
احسن من الناس اللى حواليك كلهم مش كل الناس اتولدت اغنياء الغنى غنى
النفس امشى بالمبدء ده ومع الايام هتعرف وربنا يوفقك
بعض الحلول المقترحه:
انا هقولك حاجه واحده .. لو انت نيتك صافيه و راضي فعلا بالقليل .. سبها ع
الله و اشتغل اي حاجه تحبها و تفهمها حتى لو صنعه و مع الوقت هتلاقى رزق
جايلك من حيث لا تعلم .. اهم حاجه سبها ع الله .. امال الناس العصاميه ديه
بنت نفسها ازاي .. اهم حاجه تدي علشان تلاقي .. اجتهد و اتعب و اشقى ف
الاول و متبصش لحد .. حط هدف لنفسك و اسعى فيه .. و سيب الباقي ع ربنا .. و
متفتكرش ان الى معاهم مرتاحين .. الفلوس بتزيد المسؤليات بتزيد اكتر
ياريت تشاركونا برائيكم معانا
18 التعليقات:
أخى العزيز ، تحية طيبة و بعد .. أعانى أيضا من نفس المشكلة ولكن اما ان تيأس و يقتلك الفكر في هذا الأمر و اما أنت تعافر و تكافح من اجل ما تريده و اما ان تكون ضحيى لفقرك . انا ايضا فقير . فقير جدا و لكن غني بالله و بحمده و برضاه قرب من ربنا أكتر و اشتغل اي شغ محترم و حلال و اعمل اللي عليك و ابني نفسك بنفسك و احمد ربنا ن والدك موجود تسمع منه دعوة حلوة ليك ، فيه ناس والدها متوفي و ناس تانية والدها بعيد عنهم و مبيسأش فيهم انت عندك حاجات حلوة حاول تبصلها و ابني نفسك و متيأسشي كافح و اتعب ابدأ شغل من بكرة دور ع شغل اطحن نفسك اوصل للي انت عايزة انت اللي هتغير مستقبلك انت اللي هتغير حياتك بعد ربنا ، متكسلش و دور علي شغل من بكرة سيبك من الكسل و التفكير السلبي ده اوصل للي بتتمناه . الحياة عايزة القوي مش الضعيف اوعاك تيأس و تزعل فقرك هيبقي سر غناك و اسمعها مني كلمه .. :)
اخي ادعو الله لي ولك فقط الله هو الوحيد القادر ان يغنيك فساله لك ولي الغني وان يحقق كل امانينا
اسمع يا فلان يقول المثل لا تطلع علي أعلى منك اطلع علي اوطى منك كم فقير أصبح غني وكم غني أصبح فقير لا تكبر على نعمة الله واحمد الله على النعمه قل الحمد الله انك ليس أعمى أو معاق أحمد الله على النعمه مش كلشي المال اللهم إزقنا مال الحلال وبعدما على مال الحرام
اسمع يا فلان يقول المثل لا تطلع علي أعلى منك اطلع علي اوطى منك كم فقير أصبح غني وكم غني أصبح فقير لا تكبر على نعمة الله واحمد الله على النعمه قل الحمد الله انك ليس أعمى أو معاق أحمد الله على النعمه مش كلشي المال اللهم إزقنا مال الحلال وبعدما على مال الحرام
اسمع يا فلان يقول المثل لا تطلع علي أعلى منك اطلع علي اوطى منك كم فقير أصبح غني وكم غني أصبح فقير لا تكبر على نعمة الله واحمد الله على النعمه قل الحمد الله انك ليس أعمى أو معاق أحمد الله على النعمه مش كلشي المال اللهم إزقنا مال الحلال وبعدما على مال الحرام
اعاني من الاكتئاب والضيق
لمازا.. واانت بالفعل ممكن ان تستمتع بالسعاده والحب كل هزا ينفع من داخلك من الافكار كللها افكار عليك ان تغير فكرك لانك سعيد ومبسوط وستجد الفرق انا احدثك عن علم وتجربه وهزه ليست المره الاولي او الاخيره التي ستمر فيها بضيق او اكتئاب عليك ان تتعلم كلها افكار فقط
أنا بقى عندي 35 سنه ومعملتش أي حاجه في حياتي
الفقر الحقيقي يا أخي هو فقر الحسنات و الأعمال الصالحة، تذكر يوم وقوفك بين يدي الله تعالبى يوم القيامة و أنت تحسب و تعد حسناتك و سيئاتك فسوف يزول عنك هذا الهم الواهي، فالمؤمن لا يفكر أبدا في رزقه بل جل تفكيره هو في كسب الحسنات و خدمة الإسلام و المسلمين، فاختر لنفسك أي الفريقين ستكون يوم القيامة هل من فريق الجنة أم من الطرف الأخر و العياذ بالله ، ثم تذكر أن نبينا عليه الصلاة و السلام قد عاش فقيرا و مات فقيرا و قد لقي ربه جل جلاله و ليس في يديه درهم واحد!!!!، فأين نحن من رسول الله صلى الله عليه و سلم الذي أفنى حياته للإسلام و حمل هم إدخال البشرية إلى الإسلام، فالفقر و الغنى بيد الله تعالى و لا حركة و لا سكون إلا بإذنه سبحانه، و عليك أخي أن ترضى و تطمإن و تكمل حياتك الباقية في خدمة الإسلام و المسلمين فهذا هو الغنى و الثراء الحقيقي الذي غفل عنه الملايين من المسلمين في زماننا هذا. أخوك في الله عبد النور مشروك الورثيلاني
الحياة غير منصفة اطلاقا اناس اثرياء جدا لهم كل شيئ بين يديهم و اناش فقراء كل يوم يفكرون في تكاليف غذاءعائلاتهم
انت فقير كيما انا تناخت عليك يا شكوبي ومانحكيلكش عل الصبر علبالك بلي راح تصبر بلا زبي ولا تنيكها بالكفريات ساعة على ساعة باش تفاجي الغمة خلاصة القول انت فقير باتت فيك ياوليدي
ايش العمل غدوه عيد وانا لا املك ريال واحد ياالله يا كريم فرجها
الحمد لله على كل حال ياربي لك الحمد
الحمد لله على كل حال ياربي لك الحمد
ايش العمل غدوه عيد وانا لا املك ريال واحد ياالله يا كريم فرجها
استغفرالله العطيم واتوب اليه ياالله الحال مايخفاعليك
أولا :عليك بتقوى الله والتوكل عليه قال تعالى(ومن يتق الله يجعل له مخرجا ويرزقه من حيث لا يحتسب ومن يتوكل على الله فهو حسبه إن الله بالغ أمره قد لك شي قدرا )ثانيا:عليك بالإستغفار قال تعالى(فقلت استغفروا ربكم إنه كان غفارا يرسل السماء عليكم مدرارا ويمددكم بأموال وبنين ويجعل لكم جنات ويجعل لكم أنهارا) ثالثا:عليك بالدعاء وخاصة في الثلث الأخير من الليل وقت التنزل الألهي رابعا :عليك بالصدقه ولو بالقليل ولو بالأبتسامه فأبواب الصدقه كثيره فإن الله يربيها لك ويزيدها قال رسول الله مانقص مال من صدقه بل يزيد بل يزيد
قد جعل الله لك شي قدرا
إرسال تعليق