صديقتى تحب شاب اصغر منها ممكن الحب يستمر رغم عدم التوافق في السن

• مشاكل زوجية,مشاكل الحب,مشاكل الشباب,مشاكل البنات مشاكل عامة,مشاكل تقنية,مشاكل التعليم,مشاكل صحية,مشاكل زوجية,مشاكل الحب,مشاكل الشباب,مشاكل البنات

مرحبا بكم فى مدونة مشاكل الحب والزواج - مدوونه للمشاكل العاطفية والزوجية والاجتماعيه ومشاكل الشباب والبنات

هنعرض مشكلة وبعض الحلول ليه وياريت تشاركونا برائيكم معانا

المشكلة ان ليا صديقة بتحب واحد اصغر منها وهو كمان بيحبها بس هو بيتصرف معاها بطريقة انا مش بتعجبني هو يعني كل حاجة ممنوعة خروج ممنوع لبس ممنوع لدرجة انها لو هتنزل تجيب حاجة من تحت البيت بيبقي بحدود والكلام مع ولاد عمها ممنوع والشغل ممنوع هي بتفتكر ان ده كدة بيغير عليها بس انا بعتبرها عدم ثقة في نفسه مع العلم انه معرفها علي اهله وبيتمني انه يتقدملها بس هي مستنية الوقت المناسب لانها خايفة لاهلها يرفضوه ارجو الرد علي رسالتي

بعض الحلول المقترحه: 
حبيبتي توافق السن عمره ما يفرض قيد علي استمرار الحب لان الحب بجد ملوش قوانين يعني فرق السن مش مشكله اطلاقا مع الحب الحقيقي ودي اللي هي بس تقدر تحكم عليه يعني موجود بيبنهم حب حقيقي ولا لا اما من ناحيه الغيره فالغيره مطلوبه طبعا لكن بحدود ولكن دي مش غيره دي عدم تقه وحب تملك تحول الي اناننيه لان من اسس الجواز الناجح هو التقه المتبادله والتفاهم بين الطرفين.

بعض الحلول المقترحه:  
خلاص الدم هي راضية كده خلاص وبعدين مفيش في الحب سن السن ده نصيب زي الحب بالظبط احنا اللي مصعبين الدنيا عادي يا جماعة ان الولد يبقي اصغر من البنت

بعض الحلول المقترحه:  

انا بحب بنت اكبر من بى 6شهور وهى ال كانت عمله مشكله خايفه ان اجى بعد الجواز واتغير او ان الناس تتكلم انى هى اجوزت واحد اصغر منها وماكنتشى لقيه حد يرطبط بيه بس بعد مرور شهرين حبتنى لم فهمت ان دا عادى ودلوقتى احنا روح واحده وطلما الحب اتوجد استحله ان يفرقهم اى حاجه فى الدنيا غير الموت وبغير عليه لدرجه الجنون حتا من اقرب الناس ليه وانا عارف ان هى ملتزما فى كل حاجه بس الغيره عند الرجل دى حاجه مش بى ايده دا طبع وبعدين الشب بيقا شايف ان حبيبتو او مراتو اجمل حاجه ربنا خلقها زى ما بيقولو القرد فى عين امو غزل بس هما لو اتقو ربنا فى بعض والله ليكونو اسعد اتنين ربنا خلقهم وربنا يجمع بنهم على خير

بعض الحلول المقترحه:  

بصى فارق السن مش مهم طالما الحب موجود بس يا ريت تقولى لصاحبتك ان دى مش غيرة دى سيطرة مبالغة ومرفوضة وبعدين هى لازم يبقى عندها شخصية وليها رأى واذا كان دلوقتى كدة يبقى بعد الجواز هيعمل ايةمش هينزلها من البيت خالص بعنى؟ طالما بيحبها هيسمع كلامها هى تكلمه وتقول له انه من حقها ان هى تشتغل وتنزل وهو هيوافق بس مثلا متنزلش فى شوارع ضلمة متخرجش فى وقت متأخر كدة يعنى بس لو فضل مصمم على رأيه يبقى تبعد عنه احسن بدل ما بعمل لها مشاكل بعد كدة ويرفض كل حاجة وهى ساعتها مش هتطيق كدة. وبالتوفيق ليكى وليها ان شاء الله

بعض الحلول المقترحه:  

حب حقيقة يعمي عن الحقيقة لان لا أحد يتقبل الحقيقة كما هي لو لم يعمينا الحب لن نتقبل عيوب ومساوئ وصفات الأخر ونتسامح معه ونتغاضى عنها إن لم نكن نحبه ونعزه، قد يتقبل الرجل امرأة غير جميلة ويتزوجها لأنه يجد فيها ما هو أجمل من مكارم وأخلاق فيحبها فيراها أجمل النساء وقد يتقبل من تكبره سنا لأنها تكمله في مشاعره وأفكاره وشخصيته فيحبها فلا يهمه سنها العلاقة بين الرجل والمرأة تحتاج إلى مشاعر صادقة وليس مصالح وغايات وحسابات والحب إن كان صادقا بين الطرفين يكون سرا الزواج السعيد المبارك مهما كانت الصعاب فيه لن تؤثر على استقراره
وفارق السن ليس مشكلة ان كان هناك حب وتراضي وقبول بين الطرفين فالرسول صلى الهس عليه وسلم تزوج السيدة خديجة وسنها أربعين وتزوج السيدة عائشة وسنها تسعة عشرة سنة كما قال الرسول صلى الله عليه وسلم (إذا جاءكم من ترضون دينه وخلقه فزوجوه)وليس عمره وماله وجماله لأن الدين والخلق والمكارم تخلق المحبة والرضا والقبول بين الطرفين و التي هي أساس الزواج السعيد
أما قول أن الحب بعد الزواج يروح فهذا غير صحيح لأن الحب بعد الزواج راح يزيد نظرا للتكامل والاحتواء التام والعشرة والتشارك والتفاهم في كل شيء قد تحدث مشاكل وصراعات وموجهات بعد الزواج لكن الحب قد يعمي عنها ويزيلها وان كان العكس فذلك راجع للحب الغير صادق والمزيف قبل الزواج الخالي من الإخلاص والوفاء الذي يكشف ستاره أثناء الزواج وقد يحدث الطلاق بسبب الطلاق العاطفي الذي هو انعدام مشاعر الحب والتفاهم وبسبب الاقتران الموضوعي الذي هو مراعاة المصالح والغايات والحسابات والرغبات.

 بعض الحلول المقترحه: 

هو لازم يعمل كدا لان الدنيا مبقاش فيها امان زى الاول الشباب مبقوش زى الاول كل واحد اللى فى دمغوا ياخد اللى هو عايزة من البنت ومش مهم العار ولا الفضيحة .وعلى فكرة يا ريت يحافظ عليها كدا على طول وربنا يخليهم لبعض ويكونوا من نصيب بعض ان شاء الله .

 بعض الحلول المقترحه: 

لالالالا طبعا الكلام ده ماينفعش والحب اصلا بيعمى الواحد من انه يشوف الحقيقه
انا متأكد 100% انهم لو اتجوزوا هتحصل بينهم مشاكل بسبب عدم التوافق فى السن ولازم تعرفى ان البنت بتكبر قبل الولد بسنتين يعنى البنت بتكون اكبر من الولد بسنتين فى التفكير عشان كده ميانفعش بنت تتجوز ولد ف سنها مبالك لو اكبر منها!!!
اتمنى الاهتمام بكلامى هما فاكرين انهم هايقدروا يكملوا وهاياتحدوا اى مشكله عشان حبهم وكلام كله اوهاااااااااااااااام
لان بعد الجواز الحب هايروح وهتبقى حياه اسريه جاده مش هيقدروا يتحملوها ولو اتجوزوا بعد اول عيل الراجل مش هيطيق وهايروح يدور على بنت تناسبه
-وده كلام حقيقى وحصل كتير قبل كده-

 بعض الحلول المقترحه: 

يا أختي بالنسبة لمشكلة الغيرة وعدم الثقة هناك مشكلة موجودة في صفحة مشاكل الخطوبة تحت اسم “خطيبي متسلط وغيور ” تقريبا هذه المشكلة تتضمن و تعالج ما تبحثين عنه وقد نصحت الأخت صاحبة المشكلة فيها كما نصحت الأخت امنريدس كذلك عن حسن نية لأن المشكل ليس في الغيرة أو عدم الثقة مادام الرجل يريد من المرأة أن تكون له وحده سواء غيرة أو شكا وإنما في عدم فهم مشاعر الغيرة والخوف وعدم الثقة وكذلك عدم تقبل المخطوبة أن تكون تحت مسؤولية وتحت ذمة خطيبها رغم أنها لو عودت نفسها على ذلك أحسن لها كي لا تكون صراعات ومشاكل مستقبلا في الزواج لأن الرجل بطبه أن يتقوم المرأة ويتخذ القرارت لكن دون أن يهمل مشاعرها وكرامتها وأفكارها على الأقل يناقشها في ذلك ويقنعها بالصواب وبالتي هي أحسن أما فيما يخص أنها خايفة من أهلها الرفض هنا يجب أن تلطف الجو مع أهلها وتصارحهم بكل هدوء وموعظة أنها تحبه وتعزه وقابلة به ما تقدر تعيش مع غيره وان كانوا يحبونها ما يجبروها على ترك ما تحبه وترضاه وعليها أن تتعجل الخطوبة ولا تؤجلها ولا تتركها للوقت لأن لو تقدملها آخر سيعقد الأمور

 بعض الحلول المقترحه: 

اسمحيلي يا أختي واعذرثيني في إللي هقوله
أختي الكريمة اذا كانت هذه فعلا مشكلة صديقتك يبقى الأفضل والأولى انك مش تتدخلي بينهم
ليه ؟؟!! ، هقولك ليه أول الاثنين إللي بيحبو بعض بيتحملو بعض وسوري في اللفظ حتى ولو ضربو بعض بالجزمة …
يعني لما هو بيقولها ممنوع ممنوع ممنوع على قلبها زي العسل مادام هي موافقة وزي ما انتي بتقولي انها مفكرة ان ده غيرة عليها ، يعني في نفسها هو بيحبها وبيغير عليها مش عنده عدم ثقه في نفسه
ولو انتي حاولتي تقولي ده ازاي يتحكم فيكي ده ازاي ده ازاي شوفي النواتج :
لو هي وافقتك الرأي وهي كانت بتحبه وهو بيحبها بجد ، هتخليهم يحصل بينهم مشاكل هما في غنى عنها وساعاتها لما صاحبتك دي تشوف ان انتي السبب في المشاكل دي هتسيبك وممكن تنهي صداقتكم بكل سهولة .
ولو قلتليها وهي رفضت كلامك من غشواة الحب ، برده هتظن انك مثلا غيرانه منها او متدايقة عشان هي بتحب او او او او او حاجات كتير اووووووووي ممكن تحصل بينكم انتو في غنى عنها
معلش اسمحيلي ده رأيي بالنسبة ليكي انتي
أما بالنسبة لراجل ده ، هقولك لحضرتك على حاجة ده هيختلف من حيث وحيث
يعني انا هقولك على تجربة ليا انا شخصيا
ايام خطوبة أختي كان خطيبها كل شوية بلاش تلبسي كذا مش تعملي كذا مش تتكلمي مع فلان ، انا أخوها أهوو وكنت بتخنق منه وكنت بروح أتخانق معاه وأقوله لما تبقى في بيتك ابقى اتحكم فيها دي لسه في بيت ابوها .
لما اتجوزوا تغير كبييييييييييييير البسي عادي زي ما تحبي مادام مش بتثيري الفتنة يعني اللبسة الطبيعي يعني أكيد مش هيوافق انها تلبس ميني جيب مثلا بس عادي الحاجات إللي هو كان معترض عليها ايام الخطوبة ، لازم تكون اجتماعية تتكلم مع اهله ومع اهلها عشان تشرفه
لما انا جيبت وحبيت حصل نفس الموضوع كنت بقول ليها بلاش وبلاش وبلاش
ولكن في حدود ، بمعنى مش هخليها تلبس شوال وتمشي في الشارع ، ولا تلبس عريان وأخليها الوسط الفكرة كلها هي الوسط
معلش اذا كنت طولت في ردي
 بعض الحلول المقترحه: 

الحب الحقيقي النقي ملوش دعوه باي حاجه سن ظروف غني فقر كل ده ملوش دعوه..بمجرد ما بتحسي بالحب بتكون روحك فداء حبيبك..متخافيش السن مش مشكله.
وبخصوص تصرفاته فدي غيره واي راجل بيحب واحده بجد لازم يغير عليها مش عارف ليه البنات بتعتبرها عدم ثقه
لو هو مش واثق فيها هيسيبها صح ولا غلط؟
ممكن تتخلص من مشكله الغيره بالتفاهف معاه واحده واحده وبالعقل يعني تقوله مثلا انا بحب غيرتك عليا بس لازم تكون عارف ان قلبي مع واحد بس وان “الشغل مثلا” مش هيغير اللي في قلبي ناحيته ابدا وان انا نفسي احقق ذاتي وهكذا

 

 

ياريت تشاركونا برائيكم معانا

منشورة في: مشاكل عامة