أحب عائلتى وبنات العيلة جدا ولكن علاقتي بابي وامي وبنات العائلة تعبتني

• مشاكل زوجية,مشاكل الحب,مشاكل الشباب,مشاكل البنات مشاكل عامة,مشاكل تقنية,مشاكل التعليم,مشاكل صحية,مشاكل زوجية,مشاكل الحب,مشاكل الشباب,مشاكل البنات

مرحبا بكم فى مدونة مشاكل الحب والزواج - مدوونه للمشاكل العاطفية والزوجية والاجتماعيه ومشاكل الشباب والبنات

هنعرض مشكلة وبعض الحلول ليه وياريت تشاركونا برائيكم معانا

اول حاجة مشكلتي مع الاب و الام تاني حاجة مشكلتي مع الاقارب نبتدي باول مشكلة وهيا ان في فرق كبييير و شاسع بيني و بين ابويا و امي ف الطريقة و الاسلوب و العقلية لدرجة اني ساعات بكره العيشة معاهم عشان محدش فاهمني فيهم .. انا لسة مخلص تانية ثانوي و جايب مجموع 89% وده مش من طموحاتي ابدا بس ده كان نتاج الحالة النفسية السيئة الي الواحد عاشها طول السنة دي من اساليب رجعية عفا عليها الزمن و عدم اهتمام بالطالب و مستقبله مثل باقي اولياء الامور … جاتلي فترة كنت مش بروح دروس ابدا و محدش فيهم بيعرف عشان مفيش متابعة ولا اهتمام ده جانب الدراسة … نيجي لجانب طريقة حل مشاكل البيت الي هما بيتبعوها .. كل اما تحصل مشكلة مثلا او اي حاجة صغيرة سواء كنت انا الغلطان او لا الاقي القرايب كلهم عرفوا في اقل وقت حتى لو كانوا هما الي غلطانين !!!! عمركوا شفتوا ناس بتحاول تسوء سمعة ابنهم في العيلة ؟؟؟ مع ان هما ليهم اخطاء بس انا ينفع اني اروح اقول لعم او لخالة ده بابا و ماما اخطائهم ايه ؟؟؟ ينفع ؟ بس رغم كل ده الاقي الي يسوى واللي ميسواش يسمعني كلام انا في غنى عنه من دون سماعه للمشكلة من اساسه عشان يجامل الاب و الام … بس ده مش بيجامل ده ( بي*** ) انا اسف ف اللفظ بس هيا دي الحقيقة هعمل ايه و مش لسة صغير عشان يتعمل فيا كده انا عندي 17 سنة يا جدعان !!! وفي اخر المشكلة دي في مقولة سمعتها و عجبتني جدا احب اقولها لكم ( يستفزونك حتى تخرج اسوأ ما عندك .. ثم يسارعوا بالحكم عليك )
تاني مشكلة مع الاقارب المشكلة مع بنات خالتي هما اكبر مني بخمس سنين و بصراحة انا كنت بعشقهم لدرجة اني كنت ممكن انفض لاصحابي البنات عشان اكلمهم كانوا للاسف بالنسبالي كل شيء و المشكلة بدأت لما كنت عندهم في البيت على الكمبيوتر تحديدا .. كنت باخد فيلم من عندهم ولما روحت بفتحه لقيت فيه صورهم ولما عرفتهم بالموضوع ده افتكروا ان انا سارق الصور و هذلهم بيها و الكلام ده كله يعني .. المهم من يومها لقيت المعاملة اتغيرت و التناكة بدأت تظهر عليا فقررت اني اقاطعهم و ده الي حصل قاطعتهم سنة كاملة و جيت صالحتهم ف العيد و كنت بصراحة لسة بحبهم وكنت بتمنى ان ايام زمان ترجع تاني لكن للاسف لا ما زال جو التناكة موجود كنت دايما اسال عليهم ف امتحاناتهم لكن مش بلاقي رد في اعياد ميلادهم كنت اول واحد بيبعتلهم مسدجات لكن برضه مش بلاقي رد حتى يوم عيد ميلادها جيت اكلمها خلت واحد زميلها ف الكلية يرد عليا … اي قلب ده الي انا قدرته واهتميت بيه لكن ملاقيش منه اي حاجة حتى كلمة مبروك على نجاحي مسمعتهاش منه انا بس كتبت الموضوع ده عشان انا بتصعب عليا نفسي لما تكون مهتمة و تقدر ناس و الناس دي انا مش في دماغهم اصلا وانا حاليا مقاطعهم و كرهتهم خلاص بعد كل ده . مستني ردودكم

بعض الحلول المقترحه:  
بص انا يمكن اكتر واحد فهمك عشان انا في سنك وفيه حاجات مشتركه بالنسبه للمشاكل العائليه دي … بص انا هقولك علي نصيحه مصبراني يمكن مجموعنا واحد 88%. بص انا كمان قرفت من العيشه. بس ناوي اتجدعن السنادي والحق حتي هندسه زراعيه 90%. واروح المدينه بقي واعيش. واعتبر نفسي هربان من البيت زي مانفسي اعمل …
ترجو تسمع كلامي وجايز نتقابل مهي الدنيا دي صغيره بس انت منين
بعض الحلول المقترحه: 


بص يا صحبى ناس كتتير بتعنى من المشاكل دى واغلبهم الشباب اللى فى السن من 15 حتى 18 وفى بنات برده بس الشباب اكتر فا انت حاول تتعايش مع الموضوع لان خلاص دى حاجة اتكتبت عليك يعنى حاول ما تتعصبش حاول تسمع الكلام وكانك ما سمعتهوش وحاول فى نفس الوقت تعامل اهلك معاملة كويسة وان شاء الله تلاقى نفس المعاملة بس اللى ينفضلك سيبك منه بعيدا طبعا عن ابوك وامك لان دول اهم شئ ربنا يوفقك وتجيب مجموع احسن السنة دى
بعض الحلول المقترحه:  
نفس المشكله
انا بحاول أبعد عن الكل و أتعرف ع أصحاب و انا مستريح مع صحابي اكتر من استراحتي مع أهلي
بس علاقتي مع أهلي الحاجات الأساسيه مش بقعد معاهم و كدا
بالنسبه لبنات خالتك انت قلتلهم الحقيقه و هم مش مصدقينك
خلاص هم مش مقدرينك انت متقدرهمش …
حاول تتعرف ع واحد يكون بمستواك العلمي و المعيشي و اتصاحب عليه جامد و خليك انت و هو علطول مع بعض هتكون بغني عن أهلك و الجلسه معهم
انا عن نفسي عملت كدا و استريحت شويه
موفق ان شاء الله
بعض الحلول المقترحه: 

شوف يااخى
انت لسه صغير وادامك العمر جاي وهتعيش في احلي ايام بامر الله , بس هى الفكرة في ان دايما الاباء بيكون ليهم وجهه نظر في تربيه ابناءهم ممكن تكون وجهه نظر صح وممكن غلط وان هما جيل واحنا جيل تانى فدايما بيكون في اختلاف في الرأي , انت بقي عليك تتجدعن في دراستك وتحاول تدخل الكليه اللي عايزها وربنا يوفقك فيها , اما بالنسبه لبنات خالتك يمكن هما بيعاملوك كدة عشان انت اصغر منهم وبردوا مفيش تفاهم بحكم فرق السن بينكم ويمكن يكون بسبب سوء التفاهم اللي حصل بتاع الصور دة المهم دلوقتى انك تعاملهم عادى ولا كأن في حاجة وساعتها هما هيحسوا ان معاملتهم جافه معاك ويغيروا اسلوبهم وطريقتهم دى وربنا معاك ويصلحلك الامور كلها بس نصيحة منى انك لازم تحس بسنك دة وتعيشه بطريقه صح من غير ماتغضب ربنا ولا تغضب اهلك لان دة اجمل سن هيعدى عليك هى فترة الشباب دى



اولا انا هاقولك على الحل بتاع المشكله الاولى الاهل انا عندى نفس المشكله مع والدتى بس اى حاجه تحصل بلاقى خلاتى كلهم عرفوها بس الحمد لله دلوقتى الوضع اتغير شويه من خلال كلامى مع والدتى واقناعها بان مش كل شيئ يحصل تقوله لاى حد والحمد لله بتتجاوب شويه بشويه بس هاقولك ليه هيه اقتنعت بكلامى دا لانى كل اوضاعى اختلفت بدات ابقى مع نفسى والى يقولولى عليه اعمله بدون نقاش يعنى بمعنى اصح خلتها هيا الى تحاول تقرب منى ولاهم من ده كله شخصيتك انت لازم يكون ليك شخصيه قويه كلامك يكون بحدود مع اى حد وقتها هيحسوا انك كبرت ومش هيعملوا كده تانى خالص وتذاكر وتهتم بمذاكرتك وبس السنادى وتثبت لهم انك راجل مش عيل صغيرتقدر تتحمل المسؤليه



اما بانسبه للمشكله التانيه بنات خالتك اولا دول بنات واكبر منك حقهم عليك انك تحترمهم ووقت ما يحتاجوك يلاقوك جنبهم مش اكتر من كده ثانيا هما لما يشوفوك شخصيه قدامهم هما الى هيحاولوا يقربولك وبالاخص لما تجيب مجموع حلو السنادى وتثبت لهم نفسك الكلام ده عن تجربه اتمنى اكون فدتك بكلامى


 

ياريت تشاركونا برائيكم معانا

منشورة في: مشاكل عامة