بحبه بس متضايقة من العلاقة اللى بتحصل بينا ومش عارفيين نبطل

• مشاكل عامة,مشاكل تقنية,مشاكل التعليم,مشاكل صحية,مشاكل زوجية,مشاكل الحب,مشاكل الشباب,مشاكل البنات 

 

مرحبا بكم فى مدونة مشاكل الحب والزواج - مدوونه للمشاكل العاطفية والزوجية والاجتماعيه ومشاكل الشباب والبنات

هنعرض مشكلة وبعض الحلول ليه وياريت تشاركونا برائيكم معانا

اتعرفت على شاب عنده 30 سنه ملتزم واهله ناس محترمه اللى شدينا لبعض اخلاقنا واتقدملى واتخطبنا بعد قصه طويله واحده واحده قلبى بقى يتخطفله حبيته حبيته من عقلى ومن قلبى ومن روحى فجاءه حسيت ان بقى ليا عيله وامان وضهر اتسند عليه وحبيت عيلته اوى وهو بيخاف عليا زى ما اكون حته منه وفرحان اوى بيا والناس بيحسدونى عليه لكن  …. للاسف بقولها وانا عينى فى الارض مبقدرش اقوله لا بيجى ويطلب حاجات كتير تحت مصطلح الحب طبعا الا انه ميحافظش عليا زى مانا وانا مبقدرش ارفض وبعدها بيقعد يطبطب عليا ويعتذر وانا ببقى بعيط جدا بس فى نفس الوقت انا بحبه جدا وحاسه ان انا وهو مقصرين جدا بنصلى ونصوم لكن مش عارفه ايه اللى بيحصل ساعتها بنتفق نبطل وبنرجع تانى خايفه اووى من ربنا ميباركلناش فى بعض او يبقى غضبان علينا مش قادره استحمل الفكره دى او يعاقبنا فى صحتنا او سعادتنا بعد الجواز خايفه ومش عارفه اعمل ايه خصوصا ان اهلى متوفيين وانا عايشه مع جدتى واعمامى كلهم فى محافظه بعيده حاسه انه كل عيلتى وخايفه اوى

بعض الحلول المقترحه:

حاولى على اقصى درجه متعمليش كده تانى وحاولى تحفظى على نفسك وخدى بالك واللى بقولهولك دا من شاب يعنى عارف معنى دا كويس لما يطلب منك حاجه تانى امتنعى وبشده وبعدين قوليله مينفعش لما ابقى حلالك اعمل اللى انت عايزه وعايزه ربنا يباركلى فيك وخليكى عند موقفك علشان هيعمل زعلان وبعدين هيكلمك وبعدين هيحاول يعمل كده تانى من باب انه يكسر نفسك علشان امتنعتى عنه فى الحاله دى لو قدرتى تفوتى عليه تانى مره دى هيعرف انه عرف يختار وحده بنت ناس وهتحافظ عليه وتصونه فى غيابه انما لو طوعتيه حياتك كلها هتتملى شك وادعى ربنا يقرب موعد الزواج وربنا يوفقك

بعض الحلول المقترحه:

لازم تحاولي معاه و تفهميه بأسلوب ميزعلش قوليله انا بخاف من ربنا وخايفه بكره ربنا ما يباركلناش فبعض عشان احنه كده بنغضب ربنا

بعض الحلول المقترحه:

قوليلها طالما مش هتقدرو تبطلو الحاه دي يبقى يكتب كتابه عليكي دلوقتي وبعدين يعمل الفرح براحته لما الظروف تتعدل معاكم بس لو قبل يبقى وقتها لو حصل بينكم حاجه يبقى بحدود يعني ف برضو خط احمر مايعديهوش لان لسه ليله الدخله ما اتعملتش
ولو مرضيش ورفض يبقى انتي قسي قلبك شويه ولو لقيتيه بيتقطع جنبك ارفضي انك تطاوعيه ف حاجه وقكريه ع طول بربنا قوليله ربنا شايفنا
وحاول لو قعدتي معاه ماتقفلوش باب الاوضه لو قعدو لوحدكم
حسسيه ان ف حد جنبكم وشايفكم اكيد هيخاف
بس لو رفض كل ده يبقى سيبيه عشانخاطر ربنا
وافتكري ان اللي بيسيب حاجه عشان ربنا ربنا بيعوضه ب احسن منها
وربنا يكرمك ويفك كربك

 بعض الحلول المقترحه:

بصي ياحبيبتي ربنا بحب الحب الحلال وكل شي بالحلال بيبارك فيه وانتي قوليله انا بحبك اي وبموت فيك اي وانت كل شي عندي اي بس بحب ربنا اكثر لانه هو الي بعثك ليا وعايزه اصون النعمه دي الي هي انت ومش عايزه اغضب ربنا ويبعدك عني او ياخذك مني وهو ربنا اكيد غضبان منكم انتوا الاتنين لا نه ده لسه مش حلال
انتي بس الان حاولي ترفضي بس بطريقه حلوه وتفهميه انه ده غلط وتوبي لربنا عشان يغفرلك ولاتكرري ده تاني ولو شوفتوا نفسكم مش قادرين تبطلو ابقوا اكتبوا الكتاب وخليكم بالحلال احسن ده رأي والي انتي تشوفيه صح ومايغضب ربنا اعمليه

 بعض الحلول المقترحه:

حاولوا تتقدموا معاد الفرح او الجواز عشان لا قدر الله ميحصلش حاجة وحشة وهو على فكرة لو حس ان انتى سهلة هيسيبك متقوليش بيحبنى والكلام دا لا هو لو اخد اللى هو عايزه هيسيبك ومش هيبقى عنده ثقة فيكى

 بعض الحلول المقترحه:

الصح صح والغلط غلط واكيد ليه عواقب ولو ليكوا نصيب فى بعض هتكملوا وماحدش فى الدنيا بيعرف ياخد حاجه مش مكتوباله .اوعى تغلطى لانك خايفه يسيبك وحاولى توقفى اى حاجه غلط بينكم وكدا تبقى عملتى الى عليكى والباقى بقى بتاع ربنا مش بتاعك

ياريت تشاركونا برائيكم معانا

منشورة في: مشاكل عامة