اغتصبت وانا صغيرة ولا اريد ان اتزوج لانى اتعقدت

• مشاكل زوجية,مشاكل الحب,مشاكل الشباب,مشاكل البنات مشاكل عامة,مشاكل تقنية,مشاكل التعليم,مشاكل صحية,مشاكل زوجية,مشاكل الحب,مشاكل الشباب,مشاكل البنات

مرحبا بكم فى مدونة مشاكل الحب والزواج - مدوونه للمشاكل العاطفية والزوجية والاجتماعيه ومشاكل الشباب والبنات

هنعرض مشكلة وبعض الحلول ليه وياريت تشاركونا برائيكم معانا

انا عندى 20 سنة مريت بجريمة اغتصاب و انا عندى 10 سنين المشكلة انى عمرى ما نسيت اليوم دة لسة فاكرة تفاصيلة كانة حصل معايا امبارح كل يوم قبل ما انام لازم انام معيطة قعدت فترة كنت بخاف انزل لوحدى و اول ما اشوف حد ماشى فى الشارع عادى احس انة عايز يغتصبنى طبعا اهلى فاكرين ان الموضوع دة نسيتة من ز مان بس الحقيقة ان الموضوع دة عايش جوايا و عمرى ما فى يوم نسيتة .انا مش عايزة اتجوز مش طايقة فكرة ان حد يلمسنى و كمان مبقتش اثق فى اى حد بخاف من كل الناس . انا نفسى انسى الموضوع كانة محصلش عايزة اعيش حياتى طبيعية و محدش يقولى روحى لدكتور نفسى انا مش عايزة اهلى يحسوا انى لسة فاكرة الموضوع الموضوع دة . .مع العلم انى الحمد للة لسة بنت

بعض الحلول المقترحه:  
اول حاجة لازم تقربي اوي من ربنا فهو اللي حيصبرك اكتر من البشر كلها وبعدين ياحبيبتي اوعي تحسي انك ناقصة عن حد او اصحابك احسن منك لازم تبقي واثقة من تصرفاتك وتتكلي علي الله واحب اطمنك ان دة حصل معايا قبل كدة من ابن خالتي اكتر من مرة وكان عندي 5 سنين وكنت بانام وانا معيطة زيك ودلوقتي عندي 17 سنة وطلعت نفسي من اللي كنت فيه وقولت اللي حيجبوا ربنا حرضي بيه وحكمل حياتي عادي لاني عارفة ان ربنا مبينساش عباده وهو قادر يسترك وكل ما تصلي وتقرئي قران حتحسي بالتفاول وروحي لصحباتك ومارسي نشاط جديد ينسيكي همومك اسمعي كلامي والله لاني مجربة واكتر واحدة حتحس بيكي وياريت اتعرف عليكي بجد
بعض الحلول المقترحه: 


حبيبتي ربنا ما بيسيبش حق حد ويبخت من نام مظلوم وانتي اظلمتي وزي الحيوان ده ماذاكي هيجي اليوم اللي يشوف فيه بنته بنفس الموقف اللي حطظ فيه انتيي بس خليكي قريبه من ربنا وصلي وقراي قران ولما يجي نصيبك ان شالله بينسيكي الله فات ربنا رحمه كبيره وكريم وهيعوضك باللي يهنيكي وان شالله ربنا ينتقم من اللي اذاكي الله منتقم جبار بس ما تفكري وقبل ما تنامي ااقرا سوره الكرسي والمعوزتين واستعاذي من الشيطان
بعض الحلول المقترحه:  
صدقينى كلامى من القلب ان كان البكاء على اللى فات هيفيد كنا قعدنا وبكينا سوا او دورت على الحيوان ده وقتلته قدامكى بس ان كان سرق جزء من ماضيكى فانتى لسه تملكين المستقبل ارجوكى ماتسيبهوش يسرقه منكى هو كمان استعينى بالله وابحثى عن شي ياخذ تفكيرك اكثر وان شاء الله هتنسي وهتتعايشي حياه جديده سعيده ان شاء الله
بعض الحلول المقترحه: 

السلام عليكم ورحمة الله اول شي ثوابك وعقابه على الله وبعدين انتي انا اعتبرك بطله وليس مريضه طا لما انك لسع مانسيتي الموقف لانو انتي انسانه حره وليس ممن لايعنيلهن شرفهن شيا وهذا يدل على انك بنت محترمه جدا وعفيفه للا سف فيه بنات اصغر من هذا السن وبيروحو للامور الوسخه بارجلهم وينسون كل ما يحصل لهم من لحضة خروجهم من هذه الاوكار البذيئه والله انك بطله جدا جدا واحترامي لكي ولتربيتكي الطيبه بس لي طلب عندك امك لازم تقوليلها على الى بيحصل معك اول باول لاتجعلي بينك وبينها حواجز وموضعكي هذا ليس سرا بينك وبين امك وفقكي الله والله يبدل انشا الله عذابك رحمه ومغفره اما الخسيس انشا الله يستحق من الله ما يستحق في الدنيا قبل الا خره ودمتي على خير طمنينا عنكي اكتب هذه الرساله من المدينه المنوره وادعي لكي وادعي على المتسبب بذلك مع السلا مه
 بعض الحلول المقترحه: 

حبيبتي انا مريت بنفس تجربتك وكان عمري 11 سنة وليسا فاكره ومانسيتش لي حصل بس دلوقتي بتعايش مع موضوع عادي و عندي حبيبي عادي يعني بحاول اقنع نفسي انو ماحصليش حاجة و حمد لله
 بعض الحلول المقترحه: 

اللي انت بتعاني منه ده شيء طبيعي ومتوقع بعد هذه التجربة
ولكن ماتحوليش تفكري فيها .. واعتبريها انها فعلا ماضي ومش موجود
والحمد لله مافيش تاثير او دليل على التجربة ده
انسي .. وتذكري الدنيا مش مستاهله اننا نعطي كل حاجة اكبر من حجمها
حبي واتحبي وعيشي حياتك واستمتعي بحلالك
 

 بعض الحلول المقترحه: 

 

الحمد لله يااختى انها جت سليمة وانك لسه بنت ,حاولي تنسي الموضوع دة وتعيشي حياتك طبيعيه بدون خوف ومتكرهيش الزواج لانة سنه الله ورسوله وكل بنت مسيرها للجواز دة امر طبيعى متخافيش منه لان جوزك دة هيبقي حلال ومتقلقيش الوقت والسنين قادرين انهم ينسوكى وربنا يعوضك خير بابن الحلال اللي يصونك ويغير تفكيرك كله

 بعض الحلول المقترحه: 

بصى حاولى تنسى الموضوع ده انا عارفه انك مش هتنسيه بس اقنعى نفسك ان مفيش حاجه ذى دى حصلت وحاولتى تحبى كل النتاس ومتخافيش منهم وخليكى طبيعيه وقبل اما تنامى اقراءة قران او قصه او اى حاجه لغايت اما عينك تنعس وبكده مش هيبقى فيه وقت تفتكرى الموضوع ده ويارب اكون افاتك

بعض الحلول المقترحه:  

حبيبتى احمدى ربنا انك لسه بنت وكل الحكايه ان نفسيتك تعبانه من اللى حصل زمان علشان كده كل شويه بتفتكريه حاولى تنسى اللى حصل وعيشى حياه طبيعيه واطلبى من الله أن ينسيكى هذا الموضوع وربنا يرزقك بالزوج الصالح عاجلا وليس أجلا ومتروحيش لدكتور لأن ربنا أحسن من مليون دمتور يخففو عنك الألم.

 بعض الحلول المقترحه: 

حبيبتى مشكلتك مشكله من الممكن ان تمر على اى فتاه بس المفروض ان تكونى قويه ودى شى مش بايدك ده شى حصل غصب عنك بس للازم تكونى اقوه من كده ولا تستسلمى للضياع او اليائس احب ان اقول لكى شى اذهبى الى طبيب متخصص نفسى وهو هيخرجك من اللى انتى فيه وحولى تصقى بالناس لان زى ما فى الوحش فى الحلو وانشاء الله ربنا يوفقك فى انك تلقى انسان كويس تحبيه ويحبك ويخرجك من اللى انتى فيه بس لا تذكرى له اى شى من الماضى ودعى الماضى بما فيه لانه اصبح ماضى ذهبا بما فيه من اوجاع وحزن دعى الماضى وفكرى فى المستقبل مع تحياتى لكى دكتور/ رضا

 

 بعض الحلول المقترحه: 

عزيزتى المعذبه .. بدايه القول فأنت تعرضت لتحرش جنسى و ليس لإغتصاب … فالإغتصاب معناه أن تم الإيلاج و القذف … إذا أنت فى مرحله أقل درجه و بما أنك ذكرت أنك عذراء فلا يبقى لديك غير العوده للحياه الطبيعيه بخطوه أسرع من غيرك ممن تعرض للإغتصاب العنيف و الضرر الجسدى المادى .. إذا أنت أفضل من غيرك كثيرا بفضل من الله تعالى .. فأكملى الجميل الربانى بأن تتقبلى فكره العلاج النفسى و القبول بأن حالتك تحتاج لطبيب يوجهك .. فالحياه حياتك و العمر عمرك و أفضل رد على هذا التحرش أنك تعودى أفضل مما كنت نكايه و عندا فى المتحرش و فى الظرف الذى وضعك فى هذه الحاله .. لمن الغلبه إذا .. فإذا تركت نفسك للوسواس و القهر و رفض إستمرار حياتك الطبيعيه فالمتحرش فاز مرتين .. المره الأولى عندما تحرش بك و المره الثانيه عندما ترك الأثر الذى إستمر عشره سنوات .. فهنيئا له بإنتصاره و أشد على يده لأنه المنتصر .. أما إذا أعملت العقل و أثبت لنفسك أولا و لغيرك و المحيطين بك إنك إنسان يحترم نفسه و يحب جسده و يحترمه و أنه يستطيع أن يخرج قوته الكامنه التى لا يعرفها أحد .. هنا أنت الفائزه و حينها تنتصرين على المتحرش و على الظرف و على أى من يقف فى طريقك .. هنا أتمنى أن أراكى و أشد على يدك .. الناس تحب المنتصر و الفائز و تكره الضعيف و المتخاذل … فمن أنت ؟؟؟

 بعض الحلول المقترحه: 

ما عندك حل غير تقربك من الله هو الوحيد القادر على فعل كل شيء هو الوحيد القادر على ان يريح قلبك ويجعلك انسانة عادية طبيعية ..ثقتك بخالقك اهم بكثير من ثقتك بخلقه لذلك تقربي منه اكثر ورح تلاقي من يملأ قلبه دفئا وحبا وصدقا ورح يخليكي تثقي فيه و من دون ما تحسي رح تخليه يلمسك بالحلال باذن الله والسلام عليكم ورحمة الله تعالى وبركاته

 

 بعض الحلول المقترحه: 

الحمدلله انك لسه بنت انتي في نعمه كبيره احمدي ربنا عليها
وبجد افضل حاجه تروحي لدكتور نفسي دي حاجه عاديه جداا بس مجتمعنا العربي ربنا يهديه واخد فكره غريبه مع ان معظمنا مرضى نفسيين اصلا !
اقولك ع حاجه…حتى -وده مش هيحصل-انهم عرفوا انك لسه فاكره الموضوع
هتكون صعبه في الاول بس ..بس بعد كده بصي لحياتك هتكون احلى كتييييير وتعيشي سعيده ومبسوطه وده سهل جداً لانك كمان محصلكيش حاجه ولسه بنت الحمدلله  انسي وافرحي بالنعمه دي كفايه
 

 بعض الحلول المقترحه: 

 

طب فين المشكلة بقي ؟؟ والله مفيش مشكلة خالص اه طبيعي انك مش هتنسي حاجة زي دي دلوقتي بس صدقيني لما واحد يحبك ويتجوزك هينسيكي كل ده انتي ذات نفسك هتنسي كل حاجة …. على فكرة احمدي ربك انك بنت وتقدري تعيشي حياتك وانتي مرتاحة في غيرك كتير مستقبلهم بيضيع … انتي قدامك الحياة طويلة وانتي لسا صغيرة … ادعي ربنا يحفظك ويهديكي للطريق الصح … وان شاء الله ربنا هيبعد كل شر عنك …. اهم حاجة تشيلي الموضوع ده من دماغك وانسيه لانك كل هتفتكريه هيتعبك وان شاء الله هتلاقي ابن الحلال الي هيسعدك وينسيكي كل حاجة

 

 

 

 

ياريت تشاركونا برائيكم معانا

منشورة في: مشاكل التحرش