حبينا بعض واهله رفضونى بسبب فرق السن فخطب غيرى اعمل ايه

• مشاكل زوجية,مشاكل الحب,مشاكل الشباب,مشاكل البنات مشاكل عامة,مشاكل تقنية,مشاكل التعليم,مشاكل صحية,مشاكل زوجية,مشاكل الحب,مشاكل الشباب,مشاكل البنات

مرحبا بكم فى مدونة مشاكل الحب والزواج - مدوونه للمشاكل العاطفية والزوجية والاجتماعيه ومشاكل الشباب والبنات

هنعرض مشكلة وبعض الحلول ليه وياريت تشاركونا برائيكم معانا

كنت متزوجة وعندى طفلان وانفصلت وبعدين قابلتة فى العمل حبنى جدا جدا على الرغم انى اكبر منة وانا ارتبط جدا بية وحبيتة واعترفلى بحبة وطلب منى الزواج وكنا شايفين ان الموضوع صعب بس مادرناش نبعد عن بعض كان كل حلجة لية وكنت كل حاجة لية لمدة سنتين وبعدين عرض على اهلة الموضوع رفضة وخطب الان واحدة تانية بس لسة بيحبنى وانا كمان لسة بحبة حاولت اسيب الشغل رفض وبيقولى عاوزنى جنبة كانى زى اختة بس انا مش ادرة على كدة بحبة جدا وانا غيورة جدا علية من خطيبتة وهوة مش عارف يعمل اية كل مايتكلم يقول ماتبعديش عنى وانا مش ادرة ابعد لو غاب عنى يوم بحس ان فى حاجة ناقصانى اعمل اية انا تعبانة

بعض الحلول المقترحه: 

شوفي انا للاسف وقعت في نفس التجربة اولا لو بيحبك بجد مش هايخطب غيرك اهلو دي حجة وصارت قديمة اوي اما المشكلة الحقيقية في السن لو اصغر منك بيوم ابعدي عنوا لانك انتي الي هاتندمي مش هوة لية لان الست منا محتاجة زوجها يكون لها الاب والاخ والزوج والحبيب لاكن في هذة الحالة الشاب بيتجوز وبعد فترة بسيطة بيعيرك بانك اكبر منوا ومع ان السن مش معيرة وهايشوف كل الستات اصغر منك وهايشوف نفسوا عليكي مش دي المشكلة المشكلة الحقيقية هيا احساسك انك فقتي الزوج والاب والاخ وكل الناس في الوقت دة ساعتها راح تخسري كتير اوي هو مش مكسب ابدااتجوزي راجل يحتويكي وتحسية معاة انك ست وليكي كيان وتحبي كل اهلك فية وتحسي معاة انك عايشة مش طول الوقت في صراع مع نفسك ومع الزمن
بعض الحلول المقترحه:  

هو فكر بعقله مش بقلبه ممكن يكون بيحبك لكن مش عاوز يخسر اهله وفى نفس الوقت مش عاوز يخسر مستقبله الحب مش كل حاجه بالنسباله بصى خليكى فى شغلك وقوليلو احنا اخوات واصدقاء ومش اكتر خليه يفهم ان دى رغبتك انتى مش هو واهتمى بمظهرك ومتهتميش بيه نهائى ودارى احساسك بالغيره عليه هو بالشكل ده حيتجنن عليكى عارفه ليه
لانه عاوز كل حاجه مش عاوز يخسر حاجه كسبها قبل كده خليه هو الى ينجرح جزاء الى عمله معاكى وردى كرامتك ادام نفسك وادامه حترتاحى كتير وحتكسبى ثقتك فى نفسك واوعى ترجعيلو حتى لو ساب خطيبته لانه حيحاول يستردك باى تمن وجربى كلامى وانتى تفهمى
بعض الحلول المقترحه:  

يروح يموت احسنله واحد نذل خسيس لو يحبك كان حارب الدنيا شو اهلو ما اهلو هاي كلها حجج بيخترعوها شو هو بيبي لحتى ياخذ رئي اهله هو ناضج ويشتغل ويمكن تزوجو ويحطهم تحت الامر الواقع
وتعالي احكيلك كوني مررت بنفس القصه بلضبط بس حبيبي لحد هلا ما خطب والنا خمس سنوات شبه منفصلين
هو لو بيحبك بجد كان اضرب عن الزواج لحتى يوافقو اهلو بليز انقليله هل الحكي واحكيلو امنيه تقولاك لو كنت بتحبني كان ما خطبت وظليت تقنع اهلك بحسناتي وكيف راح تكون سعيد معي انا لو منك ما بشوف خلقته
اسمعي مني ما تتركي الشغل بلعكس خليكي وموتيه قهر احسن فرصه للالك لحتى تنتقمي منه واحكي مع زملائك واضحكي والبسي واتئنقي وخليه يحس هو الي خسرك واوعي تكلميه ولله راح تدعيلي وراح تشوفي النتائج كل ما يجي يحكي معك ما تردي عليه وعامليه مثل الكلب الحقير

بعض الحلول المقترحه: 

الافضل ليكي ولية طالما خطب وحدة تانية لان البنت ممكن تجبر علي الخطوبة لكن الشاب في زمنا مااعتقدشي انة ممكن يجبر علي الخطوبة هو سابك سبية وعيشي حياتك وهو كمان يعيش حياتة وفترة كل شيء هيرجع لطبيعتة وطالما قالك انتي زى اختة افهميها بقي موش لازم يقولهالك صراحة انة مرتاح في خطوبتة وبيحب خطبتة اسف علي الاطالة وربنا يرزقك

 

ياريت تشاركونا برائيكم معانا

منشورة في: مشاكل عامة