بنحب بعض جدا ولكنه اكبر منى بعشر سنوات فهل فارق السن مشكلة

• مشاكل زوجية,مشاكل الحب,مشاكل الشباب,مشاكل البنات مشاكل عامة,مشاكل تقنية,مشاكل التعليم,مشاكل صحية,مشاكل زوجية,مشاكل الحب,مشاكل الشباب,مشاكل البنات

مرحبا بكم فى مدونة مشاكل الحب والزواج - مدوونه للمشاكل العاطفية والزوجية والاجتماعيه ومشاكل الشباب والبنات

هنعرض مشكلة وبعض الحلول ليه وياريت تشاركونا برائيكم معانا

انا بنت الحمد لله محترمة وسمعتى كويسة جدا وبحب شاب ومناسبين ليعض فى كل حاجة زى المستوى الثقافى والاجتماعى والمادى لكن المشكلة انى عمرى 18 سنة وهوعمره29سنة هو كدة دةفارق سن كبير ولا لا؟ سالت صاحبتى قالت لى انه كبير ومينفعش نرتبط مع انى اعرف ناس الفرق بينهم عشر سنين واكتر ومتجوزين فهل احنا ننفع لبعض؟ حاجة تانية ان انا بصراحة مش عاوزة اتجوز فى سن صغيرة يعنى على الاقل 24سنة ياترى حبيبي ممكن يستنى معايا كما ن ست سنين لحد ما نتجوز مع ان سنه كبير وهو وانا ظروفنا المادية تسمح والحمد لله بس انا حاسة انى لو لتجوزت فى سن صغيرة ابقى بضيع على نفسى متعة الشباب اية رايكم؟وتفتكروا حبيبى بيعتبرنى حبيبته ولا عيلة مراهقة بيلعب بيها؟ مع انى ساعات بحس انه بيحبنى اكتر ما انا بحبه.

بعض الحلول المقترحه: 

غاليتي أنا لما تزوجت من زوجي كان عمري 15 عاماًً وهو 32 عاماً شوفي الفرق كم سنه
رغم طيبته وحنانه ومحبتي القويه له ومحبته لي إلآ أننا لآ نتوافق بأفكارنا لأني أشعر
بأنه لآزال ينظر إللي أنني تلك الطفله التي تزوجها وهي صغيره ..
يعني غاليتي إستخيري الله بصلآة الإستخاره وبعد ذلك إن كان خيراً لك سيكون من نصيبك
وإن كان شر عليك لن يكون من نصيبك .. والله هو العالم بكل الأمور ..
أسأل الله أن يريح قلبك ويوفقك ويسعدك بحياتك ..

بعض الحلول المقترحه:  
لسن مافهوش مشكلة وربنا يوفق ما بينكم هو انا كنت بحس زايك ان حبيبى بيفتكرنى عيلة ومراهقة
لاكن ادام بيحبك وبتحبية يبقا خلاص وبعدين انتى مش ضمنة لما تكبرى ممكن يتقدملك حد فاحمدى ربنا ومالكيش دعوة باصحابك دول هما اكيد مش حسين الاحساس اللى انتى بتحسية معاا وبعتذر ان كنت طولت

بعض الحلول المقترحه:  

والله انا شايف ان11 سنه مش فرق يخوف خصوصا مع وجود تفاهم بين الاتنين. ثاني انا اعرف ناس فرق السن بينهم13سنه ومتجوزين من3سنين وحياتهم بسم الله ما شاء الله في احسن حال .وكمان انا شايف ان فرق السن ممكن يعوض بالتفاهم والحب والحنان بين الاتنين لكن الي مش ممكن يعوض هوه الحب لذلك انصحك لو بتحبيه متسبهوش وربنا يوفقك للي فيه الخير ليكي

بعض الحلول المقترحه: 

مش مهم السن المهم انه يكون فعلان بيحبك وتكونى بتحبيه ولو خايفه تتجوزى ونتى صغيره ولسه فى عز شبابك فسمعى منى اتجوزى وانتى لسه صغيره علشان تعرفى تخرجى معاه وكمان لو خلفتى ان شاء الله وبنتك او ابنك كبر هتكونى انتى مكبرتيش اوى وهتعرفى تفهمى كلامهم وتحسى بيهم وهم صغيرين هتعرفى تلعبيهم ارجو ان تفعلى الصواب

بعض الحلول المقترحه: 

انت تفكيرك عجبني جداوواضح كدة رغم فرق السن مع انه مش كبير زى ما انت متصورةالا انك ناضجة جدابسى يا ستى من وجهة نظري مش مهم فرق السن المهم العقلية خلى بالك جدا ممكن اوى واحد يكون كبير في السن لكن صغير اوي في العقل خلي بالك

فارق 11 سنة ليس بالفارق الكبير . . والزواج المبكر له جمالياته . تخيلي مثلا أن تنجبي طفلة .. وبعد 15 سنة انت تكونين بنت 33 و ابنتك بنت 15 سنة:)
على بركة الله بنيتي .. لا تترددي .. انا متزوج منذ 18 عاما وزوجتي كانت بنت 19 سنة .. وساعدتها حتى درست وتخرجت .. والحمد لله .. حياتنا سعيدة ومستقرة
 

 

 بعض الحلول المقترحه: 

 

والله انتى زعلتينى على كده طيب انا عمرى 27 سنه ولسه ماخطبتش ولاشئ يعنى على كده انا كبرت لا بجد الحق نفسى قبل العمر مايعدى اختى السن ليس مشكله اهم حاجه التوافق والحب بينكم لان هو الدستور الى بتمشو عليه فى حياتكم اللى جايه وبعدين مش مشكله طالما انتو بتحبو بعض ترتبطو وتعيشى حياتك عادى سواء كنتى هتكملى تعليم او غيره وربنا يهنيكى

 

 بعض الحلول المقترحه: 

فرق السن مش مشكلة
المهم الصحة العامة والحب والتفاهم
لكن لى نصيحة ويا ريت تاخدى بيها وانت لسة فىبداية حياتك
اى قرار مصيرى فكرى فية بنفسك واعطى لنفسك الوقت الكافى للتفكير ولا تجعلى اى شخص يؤثر على قرارك او يمنعك من التروى فى اخذ القرار لان فى النهاية اذا حدث مكروة لا قدر الله فانت وحدك سوف تتحملين بمعنى لا احنا هنا فى الموقع ولا صاحبتك سوف نضار فى شىء
اسعدك المولى وحفظك من كل سوء

 

ياريت تشاركونا برائيكم معانا

منشورة في: مشاكل عامة