احببت دكتور جامعى على النت وفجاءة تركنى بدون اسباب

• مشاكل عامة,مشاكل تقنية,مشاكل التعليم,مشاكل صحية,مشاكل زوجية,مشاكل الحب,مشاكل الشباب,مشاكل البنات 

 

 

 

مرحبا بكم فى مدونة مشاكل الحب والزواج - مدوونه للمشاكل العاطفية والزوجية والاجتماعيه ومشاكل الشباب والبنات

هنعرض مشكلة وبعض الحلول ليه وياريت تشاركونا برائيكم معانا

احببت دكتور جامعى على النت وفجاءة تركنى بدون اسباب

لسلام عليكم ورحمة الله تعالى وبركاته انا اول مرة فحياتى اعرض مشكله ليا عالنت ولكن بصراحه انا وقعت ف غلطه مكنتش اتصور انى اقع فيها وكنت فاكرة ان ميقعش فيها الا كل ذى عقل غير متزن انا ملتزمة والحمد لله رب العالمين اصلى واحاول بقدر امكانى ان ابعد عن صغائر وكبائر الذنوب وحبيت اعرض مشكلتى لعلى افيد بيها غيرى طبعا انا اول الناس اللى مش مؤمنه بالحب عن طريق الانترنت لدرجه ان حتى لو حصل هنكر وهكدب نفسى الموضوع ابتدى بانى اتنيلت على عينى ضفت معيد بقسم الجراحه على الفيس بهدف التعليم فقط لانى طالبه ماجستير بنفس التخصص ولاونى متعودتش اضيف شباب الا اذا كانو اقارب او زملاء اثق فيهم بس انا ظنيت ان التعامل لن يخرج ابدا عن الدراسه فالحقيقه هو شخص محترم “مع ان مفيش حاجه تثبت ده برده” بس مشوفتش غير كل خير محاضرات قيمه بتتبعتلى عالجاهز بيذكرنى بميعاد الصلاة اذا اذن بحيث نوقف النقاش فى العمليات الجراحيه مثلا عشان نقوم نصلى ومقرتش لفظ كده ولا كده يعنى معرفوش بس مشوفتش منه كلمه خارجه عن موضوع الدراسات لا بالحلو ولا بالوحش طبعا اتحطيت فظروف صعبه جدا واختفيت لفترة وزادت تعابير الاكتئاب عالفيس ووجدته مهتم يعنى مثلا كان يبعتلى ادعيه لفرج الهموم ويحاول يخفف عنى وطبعا مرة مرة كان بيمدح فاخلاقى وف طريقتى فالبحث او الدراسه وكان بيشجعنى كتير واعطانى فرص محاضرات مهمه وقيمه جدا بدون ما اطلب بصراحه عمل واجب جامد معايا بالصدفه كان متهبب حاطط صورته عالفيس معرفش انا ش هنكر ان اى بنت غصب عنها لو شافت حد شكله كويس وبيعاملها كويس غصب عنها هتتشد شويه يعنى حاولت طبعا انكر الهبل اللى انا حسيته وحاولت اكره نفسى فيه باى طريقه….لانى مش مقتنعه بحب عالنت اولا وثانيا مبحبش احب حد مبيحبنيش وغير كده عشان ربنا عز وجل فالاول والاخر “مش انا اللى ارتبط بالمنظر ده” مع الايام زاد اعجابه بشخصيتى معرفش اذاى وكان بيصرح بده وللاسف شاف صورتى فصور مؤتمر علمى بدون قصد منى وعرف ان دى انا وبعدها تعامله اتغير بقى بيهتم اكتر بيا وبيحاول يعرف حاجات شخصيه عنى بقيت حاسه انه مراقبنى تقريبا ….وانتهى الامر بانه قالى انتى جميله وانا مبسوط منك اخلاق وادب وكذا كذا و واللى يزهق بقى انه ديما لما يحب يفتح سيرة الارتباط يقولى انى عاوز ارتبط بواحده محترمه وكذا كذا زيك كده……هو طبعا من الصعيد وكان بيلمح انه عاوز يخطب واحده بحراويه من عندنا يعنى ..طبعا الكلمه كانت بتحرجنى ماهو لو عاوزها زىى يا اما تكون انا يا اما يتكتم وميقوليش كده اصلا كان مهتم بامرى اكتر من الناس اللى متواجدين معاه لدرجه ان بنات طلبه عنده فالليه كانو غيرانيين منى وهيطقوا ومستغربيين ليه بيسال عليا ومش بيسال عليهم منكرش ان الكلام ده كله هبل وليس دليل على شئ طبعا انا كونى دكتورة جراحه ورقمى موجود على صفحه عالفيس فطبيعى رقمى هيكون موجود لو حب يجيبه وعرض عليا اكتر من مرة يتصل بيا عشان يوضحلى حاجه مش فاهماها طبعا عملت فيها واعيه ونفضت كذا مرة وللاسف اظطريت اوقف الهبل ده ورديت عليه بحيث اقطع الحاجه اللى عاملالى قلق يعنى قولت اهو يتصل ويخلص وتبقى مكالمه وخلاص احسن ماكل شويه ينطلى
وياريتنى مافتحت عليه
اتكلم حوالى 3 ساعات وتقريبا مكنش حد بيتكلم اده وكانه مكنش بيكلم بنى ادمين وكان بيحاول يتكلم عن حاجات شخصيه شويه بيسال عن اشخاص ف عيلتى “لحد هنا احب اوضح بس انها كانت فالاول كلام برئ عالفيس للدراسه فقط واهى قلبت بمكالمه تلفون” اظن هنا بدات خطوة من خطوات الغلط
انا بس بحاول افهمكم ان الامر ميسلمش الله أعلم كان ممكن يكون فى ايه بعد مكالمه تلفون انا لحد دلوقتى مش مصدقه انها وصلت لكده فالاخر ده شخص غريب من عالفيس يكلمنى تلفون ليه
بعد المكالمه دى عادى الامور يومين تلاته بعدها قطع حوالى شهر عالفيس او 3 اسابيع اقصى حاجه ممكن يعملها لايك على حاجه جراحيه على الصفحه فاستغربت”هل ممكن مكالمه التلفون كانت اختبار ليا وفشلت فيه بانى وافقت اكلمه”
المهم اضطريت انى ابعتله رساله باننا لازم نكمل الابحاث على النت بالتعاون مع طببيه تانيه تعرفنى وتعرفه ” مش عارفه الله أعلم كده اثناء المناقشات حسيت انه بيتكلم بالعافيه او الرد موجز اوى او جايز بيتهيالى عارفين لما تكونو مستنيين طريق رد معينه او اسلوب معين وفجاه تلاقى الشخص قدامك بقى تقيل ورخم “سورى عالالفاظ بس دمى محروق” فاتئمصت وقولبت للدكتوره انا مش مكمله ابحاث معاكو وانا غلطانه انى دخلت الاخ الكريم ده معانا فالابحاث وسلام عليكم وهى طبعا بعتتله ان انا زعلانه وان هى مش فاهمه ايه اللى حصل وادخل الاقيه بيهذر مع صحابه عالصفحه عنده وبيعمل لايك لبوستات بنات فيها حب ومشاعر وكلام فاضى كده وفنفس الوقت مش بيرد على الدكتورة دى ولا حتى حاول يسالنى انا طلعت ليه
حسيت ساعتها انى رخيصه اووى لان رد فعل طبيعى لما حد يزعل منك تصالحه او عالاقل تفهم منه لكن انا زعلت وسيبتلهم البحث وده ولاااا الهواااااا قاعد فالتراوة مش فاهمه بقى ده برود ولا قله زوق
فانا زعلت انى المفروض دكتورة بيعاملها على مستوى عالى من الاحترام لفترة وفجاه احس انى رقم 10 فالاولويات
بعدها بيومين لقيته بيتصل بيا”منكرش انى فرحت” بس بصراحه مردتشى عليه
اسفه انى طولت عليكو بس بصراحه كده وبدون مجاملات هو ممكن يكون فى دكتور جامعى ومتدين ويشهد ليه ناس باخلاقه ويلعب بواحده عالنت عادى يعنى؟؟؟؟؟؟؟؟ وهل انا غلطانه انا عاوزة اتخلص من الاحساس اللى جوايا اعمل ايه ؟ لما ابقى واحده مش معترفه بالحب عالنت وفنفس الوقت جوايا احساس بيضغط عليا وبيخنقنى

بعض الحلول المقترحه:

أختى العزيزة…….
كثيرا ما تراودنا أفكارا عن الحب وكثيبرا ما تأتينا مشاعرنا أتجاه أشخاص معينين فى حياتنا رغما عنا وذلك لأن النفس البشرية تحتوى ولو ضئل هذا الجزء من براءة النفس عندما ترى شخص كويس أو معاملته كويس……..
أختى العزيزة …
من رأيي أنك أذا كنتى أولا وأخيرا وضعت هدفا واحدا لا غير اتجاه هذا الشخص ما كنتى لتصلي الى ما انتى فيه الان
بمعنى هذا دكتور أنا مشعايزة منه الا محاضرات واكمل بحثى معاه لغايط ما يخلص البحث على خير بأذن الله والموضوع انتهى على كدة
الهدف ده فى رأيي ماكنش حيوصلك لما انتى فيه الان
ربما يكون كلامى صغيرا لكن صدقينى له معان وانعكاسات فى النفس كبيرة
أختى العزيزة ……..
ماتشغليش نفسك وبقولها للمرة التانية والتالتة والرابعة حضرتك جوهرة يحاول الجميع الحصول عليها مش هى اللى تحصل عليهم
يعنى خلى الحب هو اللى يجيلك مش أنتى اللى تروحيلوه
وكونى على علم ان اللى بيحبك مهما حصل عمرهما حيفكر أصلا يبعد عنك وحييجى مش من عالنت بقا حييجى يخبط باب البيت يقول انا عايز الانسة الفلانية
اجابة بردوه على الكام سطر الاخارى………..
لا تعليق على مافعله الشخص ولا تعليق على الشخص نفسه
الدنيا فيها الحلو والوحش
ربما يمكن أتوقع كان نفسه يتخذك طريقة لعب وتسلية ولكن ماجتيش معاه عالموم اذا عايزك فى والدك وووالدتك والبيت وهو مش صغير على فكرة
أحساسك ده تأنيب الاحساس الصادق النقى اللى مفيهوش كدب
أنسى الموضوع واهتمى بدراستك
وماتنسيناش من الدعاء واسف وبعدين انا طولت زى ماطولتى انتى عادى يعنى هههههههه بضحك معاكى
وشكــــــــــــــــــــــــــــــــــــــــــــــــــــــــرا

ياريت تشاركونا برائيكم معانا

منشورة في: حب على النت