حبيبي شكاك جدا هل استمر معه ام اتركة

• مشاكل عامة,مشاكل تقنية,مشاكل التعليم,مشاكل صحية,مشاكل زوجية,مشاكل الحب,مشاكل الشباب,مشاكل البنات 

 

 

 

مرحبا بكم فى مدونة مشاكل الحب والزواج - مدوونه للمشاكل العاطفية والزوجية والاجتماعيه ومشاكل الشباب والبنات

هنعرض مشكلة وبعض الحلول ليه وياريت تشاركونا برائيكم معانا

السلام عليكم انا فتاة تعرفت على شاب عن طريق النت من فترة طويلة جدا وهو من دولة مجاورة كنا بالاول اصدقاء وبعدين بقينا نحب بعض انا الصراحة حبيتو بجد واتعلقت بيه كنت بدايق لما مااشوفو وبغير عليه جدا بس ساعات كتير بحس انو مش بيبادلنى نفس الشعور وبرغم ذلك استمرت علاقتنا لفترة طويلة لحدى ماجى يوم وكنا بنحكى ع الايميل فاقالى انتى بتكلمى حد غيرى فقلتلو اصلا مش ضايفة حد غيرك وفعلا انا مابكلم حد غيرو ع الايميل ومش ضايفة غيرو فقالى لو مفيش فعلا هاتى الباسورد فاديتهلو مع انى ادايقت منو فى الاول جدا فبعدين رجع قالى خلاص مفيش وانا عشان بغير عليكى فمشيت الحكاية عادى بس بعد كم يوم رجع قالى نفس الكلام اللى هو انى بكلم حد غيرو ع الايميل قلتلو انت مش شفت بنفسك وجيت قلتلى مفيش حاجة قالى لا انا شفت محادثة بعدين حاولت اثبتلو انو مفيش حاجة من دى خالص وانو مفيش حد غيرو ع الايميل ده ففى الاخر حسيت انو بيتلكك وخلاص وعايز اى حجة علشان يسيبنى وخلاص وانا ادايقت جدا من الموضوع ده وبطلت اكلمو من يومها وهو كمان بطل يكلمنى بس انا مدايقة فعلا ومخنوقة وحاسه بفراغ كبير لما اشوفو ع الفيس بوك واحنا مبنكلمش بعض بدايق من نفسى قولولى اعمل ايه علشان اقدر انساه انا مش حابة اخسرو كصديق

بعض الحلول المقترحه:

ياأختى صدقينى التجارب ديه كلنا عشناها وغسبا عننا طبعا ما بنقدرش ننسى لكن هناك قواعد
تحكمنا دلوقتى واضح جدا من كلامك أنوه كان بيتلكك على الشك ده عشان يسيبك والأوضح أنك كنتى عارفة الموضوع ده
فأنا أقولك حاجة حلوة أووووووووى اللى أشتراكى أشتريه واللى باعك بعيه وصدقينى
عمرك ما حتندمى فى يوم على شئ تركتيه كان مش عايزك وبيرفضك أو بيتلككلك
بصى ياأختى ربنا بأذن الله حيعوضك بخير منه مش مشكلة بس الأهم من كدة لا بد أن تعلمى أن كل
حزنك ليس على الحب اللى ضاع بل على الذكريات …..
أحمدى ربنا محدش كان عارف ايه اللى ممكن يجرى .

بعض الحلول المقترحه:

تعرفي اختي انتي نفس مشكلتي اقسملك لدرجة اني شكيت بنفسي بس هومكنش بيشك وكان عاوز يخطبني وكنا سنه ونصف نعرف بعض واكبر قصة حب ياعيني وحتي نزلي طلب ارتباط قدام الجميع علي الفيس
فجاءةاتحجج بلنت حيفصل وكان بيكلمني جوال فجاءة بطل لا يتصل ولا اشوفة علي النت وبفوت بعد نص الليل وانا مش موجودة لدرجة اني اتاكدت انوا بيتحجج حتي يتهرب مني تعرفي اختي كنت اثق فيه لدرجة العميان وكان يتصل فيه دولي يعني عمري ماصدقت انوا يكدب او يتهرب وكنت اتصل فيه دايما مابرد حتي ابعتلة رسائل يطنش عمرة ماعملها يعني اتاكدت 200% اتاكدت بجدبعتله رساله علي جواله الخاص مفيش داعي تتهرب مني انا حسكر حسابي فجاءة لهو فايت وانا مش موجودة وعملي حظر وحذفني وشايل طلب الارتباط من مرتبط لاعزب شوفي اختي الصدمة والله مصدومة وحاسة بلوحدة لكن لايمكن اكلمة الب ببعيك بيعة لو كان قمر عالي والانسان مايتنازل عن كرامته لان الي بحب بجد مابتخلا عن حبة مهما صار كنت ناوية اسافر لبلدة واترك كل بلدي بسببة وحكيت لامي عنه علي اساس حيتزوجني طلع كانة خيال وماتركلي لو اعتذار اوكلمة يعني نهاية الحب بلوك اعطاني ومنه لله

 بعض الحلول المقترحه:

اكيد بيتلكك عشان شاف واحدة غيرك وبعدين مافيش حب على النت اساسا انتى بتعجبى بطريقته فى الكلام واسلوبه مش اكتر واغلبية شباب النت كدة ومافيش علاقات بدوم على النت لانها بتتبنى على وهم كانك بتتخيلى فارس احلامك وبعدين انتى ايه عرفك انه هو الا بيكلمك دايما ممكن اوى صحبه يقعد يكلمه بداله على النت وانت مش شايفة حاجة والاغلبية بيعملو كدة وصدقينى انهى علاقتك بيه وامسحيه من عندك وعلفكرة الشباب اغلبيتهم اما بتتجهليهم بيترمى عليكى اكتر وبيعملك حساب اكتر واكتر ابعدى ولو بيحبك هيعمل المستحيل وهيرجع

بعض الحلول المقترحه: 

ماشي الكلام
طيب وبعدين ؟؟
هونتي حبتيه ليه ؟
طبعن علشان كلامو حلو ومهزب ورومنسي ويمكن صورتو حلوه ؟؟ صح؟
يعني انتي حبيتي طريقتو في الحوار يعني حضرتك حبيتي اسلوب بس مش حبيتي شخص علشان الحب مبيكنش علي النت علشان الحب مش كده خالص
افرض عايذ يسيبك زي منتي بتقولي !! فين المشكله عادي ميسيبك هونتو اساسا بينكم حاجه ؟
مرتبطين مثلا؟
بصي كبري دماغك وركزي في نفسك ومتهينيش نفسك بالصحاب اللي علي النت تحت شعار الحب
ومتستعجليش نصيبك هيجيلك لحد عندك بس من من النت من باب بيتكو
صقيني اخر التعلق بالحب علي النت تحديدا بيكون وحش جدا شوفي حكايات البنات اللي هنا ونتي تعرفي نوعيت الشخص اللي انتي بتتعاملي معاه هتلاقيه زيو زي معظم الشباب
اما بيمل من وحده بيدور علي غيرها

ياريت تشاركونا برائيكم معانا

منشورة في: حب على النت